Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
POLITIKE
Sula tërhoqi emrin nga lista e “Nisma Shqipëria Bëhet”, Lapaj: Nuk jemi në këtë rrugë për të mos zhgënjyer askënd, por për modelin e ri
M.B.Përditësimi i fundit 14 Mars 2025, 22:16
TIRANA- Kreu i Lëvizjes "Shqipëria Bëhet" Adriatik Lapaj zbulon live në rrjetet sociale sot se përse dështuan negociatat me deputetin demokrat Dashnor Sula për përfshirjan e tij në lista. Lapaj tha se gëzon respekt për Sulën sepse ka votuar kundër ndryshimeve kushtetuese të vitit 2008, ka votuar pro reformës në drejtësi, kundër mbylljes së listave. Ai shtoi se nuk janë në këtë rrugë për të mos zhgënjyer askënd, por për të sjellë model të ri.
“Nuk jam shprehur këto 3 ditët e fundit sepse procesi ende nuk ka përfunduar. Në dijeninë time përfundon nesër dhe këto nuk janë lista përfundimtare. Për të sqaruar qytetarët, dua të them se ne jemi një lëvizje që kemi hyrë në këtë koalicion me dy subjekte të tjera.
Çdo subjekt i koalicionit ka të drejtë të bëjë propozimet e veta. Ju bëj me dije se për Dash Sulën, unë personalisht, kam respekt sepse ka votuar kundër ndryshimeve kushtetuese të vitit 2008, ka votuar pro reformës në drejtësi, kundër mbylljes së listave dhe këto i ka merita e nuk mund t’ja mohojë askush.
Ideja për të ndërvepruar e bashkëbiseduar me zotin Sula ka qenë e mirëpritur, por për shkak edhe të faktit që ne jemi një lëvizje që i merr vendimet duke pyetur edhe anëtarësinë dhe duke bashkëbiseduar, ne do të shkojmë në zgjedhje pa zotin Sula. Ne nuk jemi në këtë rrugë për të mos zhgënjyer askënd. Ne e shohim këtë si një rrugë për të sjellë model të ri”, tha Lapaj.
