"Ta bëjmë Shqipërinë Madhështore", Chris LaCivita: Jepini vendit tuaj shpresë, votoni Sali Berishën! Socialistët kanë dështuar në 12 vite

chris lacivita

TIRANË- Chris LaCivita është ngjitur në podium dhe ka mbajtur fjalën e tij në hapjen zyrtare të fushatës elektorale të koalicionit "PD-Aleanca për Shqipërinë Madhështore".

LaCivita tha se socialistët në vitin 2024 në SHBA, dështuan ta fusnin në burg Donald Trump. Ai tha se edhe në Shqipëri, këtë vit socialistët duan të burgosin liderët e opozitës, por shtoi se do të dështojnë. Kjo sepse sipas tij, socialistët nuk mund të mbrojnë dështimet e tyre gjatë 12 viteve të fundit. LaCivita iu bëri thirrje qytetarëve që më 11 maj të votojnë Sali Berishën dhe t'i japin vendit shpresë dhe mundësi.

"Ta bëjmë Shqipërinë madhështore Kush është gati ta bëjë Shqipërinë madhështore sërish? Në vitin 2024, në Shtetet e Bashkuara, socialistët u përpoqën të fusnin në burg Donald Trump. Donald Trump nuk u dorëzua. Ata dështuan. Në vitin 2025, këtu në Shqipëri, socialistët duan të fusin në burg gjithë opozitën e tyre. Edhe këtu do të dështojnë. Pse?

Sepse nuk mund të mbrojnë dot bilancin e 12 viteve të fundit: 12 vite krim, 12 vite drogë. Më shumë se 1 milion shqiptarë janë larguar nga vendi. Dhe 12 vite dështim ekonomik.

Pse të votoni për partinë që i krijoi të gjitha këto probleme? Votoni për Dr. Berishën. Jepini vendit tuaj mundësinë. Dhe jepini njerëzve shpresë. Faleminderit. Zoti ju bekoftë!", u shpreh LaCivita.

chris lacivita