Ditën e premte vendi ynë do të jetë në ndikim të masave ajrore relativisht të paqëndrueshme.
Moti parashikohet të...
POLITIKE
Tabaku: Përfitimet ekonomike pa standarde demokratike mund të dëmtojnë procesin e integrimit
PiranjatPërditësimi i fundit 5 Mars 2026, 16:09
Deputetja e Partisë Demokratike, Jorida Tabaku, gjatë fjalës së saj në Kuvend, deklaroi se nismat ligjore marrin vlerë vetëm kur sjellin përfitime konkrete për qytetarët.
Tabaku ngriti shqetësime për qasjen e qeverisë ndaj procesit të integrimit europian, duke kritikuar idenë e integrimit të përshpejtuar ekonomik të Ballkanit Perëndimor në tregun e përbashkët dhe zonën Schengen pa përfunduar më parë transformimin institucional dhe demokratik.
“Ky nuk është një problem teknik. Ky është një problem themelor. Bashkimi Europian nuk është thjesht një treg pa tarifa doganore, është një rend demokratik i ndërtuar mbi institucione të forta, mbi barazi para ligjit dhe një kufizim të pushtetit.
Sot, kërkesa me gazetë e kryeministrit të Shqipërisë për t’i marrë përfitimet ekonomike, por para se të përfundojë procesi i transformimit demokratik, e përmbys këtë logjikë. Përfitimet vijnë përpara standarteve. Kjo është një kthesë e rrezikshme që në afatgjatë nuk i shërben askujt.
Qeveria e ka vendosur Shqipërinë në një udhëkryq shumë të rrezikshëm për të ardhmen e saj dhe unë jam e sigurt që qytetarët shqiptarë sigurisht që e kuptojnë këtë.
Qytetarët shqiptarë e kuptojnë se kur vjen radha për të mbrojtur korrupsionin apo për t’iu qëndruar atij përballë, qeveria shqiptare zgjedh gjithmonë për ta mbrojtur atë. Qytetarët shqiptarë e kuptojnë që reforma në drejtësi selektive, ku disa janë më të barabartë se të tjerët, është pengesë për procesin e integrimit", tha Tabaku.
