Burime mediatike se asnjë nga tre të plagosurit nuk ka qenë objektiv i atentatit mbrëmë në Elbasan, por një person tjet&e...
POLITIKE
Takimi i Ramës me pensionistët në Fier, mesazhi i të deleguarit të PS-s: Zgjidhni vetëm pensionistët e qetë
I.APërditësimi i fundit 29 Tetor 2024, 12:28
FIER- Kryeministri Edi Rama në kuadër të zgjedhjeve të përgjithshme që do të mbahet vitin e ardhshëm ka nisur takimet me pensionistët në të gjithë vendin. Ndërkohë që Rama pritet të mbaj takim me pensionistët e qarkut të Fierit.
Ndërkohë që Piranjat.al kanë siguruar mesazhin e të deleguarit të PS-së për Divjakën, Ami Kozeli, i cili u kërkon shtabit të tij elektral që të zgjedhin pensionistët që do të marrin pjesë në takim. Deri këtu çdo gjë duket normale, por ajo që bie në sy janë kërkesat që Kozeli ka për pensionistët që do të përzgjidhen për të marrë pjesë në takim.
Në mesazh thuhet se pensionistët që do shkojnë në takimin elektoral të Ramës, duhet të jenë të qetë dhe të artikuluar. Po ashtu ai kërkon që fillimisht pensionistët e përzgjedhur duhet të japin të dhënat e identitetit, për të vendosur më pas nëse do të lejohet të shkojnë në takim.
Mesazhi i Plotë:
Pershendetje, Uroj te jeni mire familjarisht. Per ato qe nuk e kane numrin, une jam Ami Kozeli, i deleguari i PS per Divjaken. Lutem regjistrojeni numrin pasi ne vijim do te jemi vazhdimisht ne kontakt. Ky grup ka per qellimin shperndarjen e njoftimeve nga ana ime sa i takon Bashkise Divjake ZAZ 56 (Divjake, Grabjan, Gradishte, Remas, Terbuf).
Ne kete sens, kam kenaqesine t'ju njoftoj se diten e marte, ora 17.00, ne Fier, Kryeministri do te organizoje nje takim me pensionistet e qarkut Fier (Fier, Lushnje, Divjake, Mallakster, Patos, Roskovec, Ballsh). Vendi ende nuk eshte konfirmuar.
Lutem te identifikoni pensionistet e qete dhe te artikuluar qe do te deshironin te merrnin pjese ne kete takim me Kryeministrin, por theksoj qe ideja eshte te marrin pjese zoterinj/zonja te qete dhe te artikuluar. Si psh dy zonjat ne rrjesht te pare tek takimi im me OS 2939 dhe OS 2939/1.
Duke qene se numri i pjesemarresve eshte i kufizuar, max 20 per Divjaken, lutem dergoni vecmas ose ketu ne grup nje pershkrim te shkurter te tyre (emer, moshe, arsim) dhe pastaj i konfirmojme.
