Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
Takimi me shqiptarët në Itali, reagon Rama: Ditë e jashtëzakonshme, përulësisht mirënjohës për emocionin e paharrueshëm!
n.fPërditësimi i fundit 26 Maj 2024, 21:20
Rama
TIRANË- Kryeministri Edi Rama ka reaguar mbrëmjen e sotme në lidhje me takimin e zhvilluar ditën e sotme në Milano me shqiptarët e diasporës në Itali. Ky takim ka ardhur pas takimit me emigrantët shqiptarë në Greqi.
Rama në reagimin e tij në "Facebook" ka falenderuar shqiptarët e disasporës ndërsa e ka cilësuar si ditë të jashtëzakonshme ditën e sotme. Ai më tej shtoi se është përulësisht mirënjohës për emocionin e paharrueshëm.
Rama në reagimin e tij ka komentuar mbingarkesën dhe tej mbushjen e mitingut. Trazirat të cilat ndodhën në miting ku aktivistë u nxorrën nga sigurimi, Rama nuk i ka prekur por mesa duket e ka parë si një fluks i madh ku shqiptarët të cilët mbetën jashtë kërkonin të futeshin brenda edhe pse salla u mbush tej kapacitetit. Ai shtoi se sigurimi ishte i frikësuar për ndonjë hata që mund të ndodhte nga mbingarkesa e shkallëve qe donin të hynin brenda.
Reagimi:
FALEMINDERIT është fjala e rastit, po që në këtë rast nuk e thotë dot as së largu ndjenjën krejt të veçantë të kësaj dite të jashtëzakonshme shqiptarie në Itali. Përulësisht mirënjohës për emocionin e paharrueshëm dhe përulësisht ndjesë mijërave që mbetën pa u futur dot në sallën, që u mbush tej kapacitetit.
Nuk do t’i harroj as fytyrat e shqetësuara të autoriteteve të sigurisë, që kishin frikën e ndonjë hataje nga mbingarkesa e shkallëve, teksa njerëzit kërkonin të hynin akoma më shumë Ç’të bëja, u thashë qetësohuni, ne jemi ata të maleve mbi anije, as nuk kthehemi dot mbrapa as nuk na ndalon dot gjë të vazhdojmë përpara. E marr me mend ç’menduan, po s’po e them, rëndësi ka që kur u krye filluan të qeshin edhe ata. SHUMË SHUMË SHUMË FALEMINDERIT
