Shqipëria ka arritur rekord për punësimin e shtetasve të huaj që arrijnë mbi 22 mijë shtetas deri në qershor 2026 nga 18...
POLITIKE
"Tallja me ish-të përndjekurit prej 11 vitesh", Teliti: Nga 12 mln euro janë paguar vetëm 3.2 mln euro, qeveria kujtohet për këtë shtresë vetëm për zgjedhje
r.llPërditësimi i fundit 30 Qershor 2024, 17:07
dorian teliti
TIRANË- Koordinatori për Programin Ekonomik në PD, Dorjan Teliti, përmes një postimi në rrjete sociale talljen që i bëhet prej 11 vitesh shtresës së ish-të përndjekurve politik, duke nxjerrë shifrat e kompensimit tejet të ulët gjatë vitit korent.
Teliti shkruan se nga 12 milionë euro të planifikuara për tu paguar gjatë këtij viti, në 5 muajt e parë 2024 janë paguar nga thesari vetëm 3.2 milionë euro.
Më tej ai shprehet gjatë këtij 5-mujori, pagesat për dëmshpërblimin financiar të kësaj shtrese të përvuajtur janë 33% më të ulta edhe sesa pagesat e 5-mujorit 2023, tregues i qartë se qeveria kujtohet për ish të përndjekurit vetëm kur janë zgjedhjet.
POSTIMI I PLOTË:
Ish të përndjekurit politik mbeten ose “urryerit” ose “të harruarit e qëllimshëm” të qeverisë Rama!
Fakt: Nga 12 milionë euro të planifikuara për tu paguar gjatë këtij viti, në 5 muajt e parë 2024 janë paguar nga thesari vetëm 3.2 milionë euro.
Fakt: Gjatë këtij 5-mujori, pagesat për dëmshpërblimin financiar të kësaj shtrese të përvuajtur janë 33% më të ulta edhe sesa pagesat e 5-mujorit 2023, tregues i qartë se qeveria kujtohet për ish të përndjekurit vetëm kur janë zgjedhjet.
Braktisja duket akoma edhe më e qartë kur llogarit që me këto ritme pagesash do duhen deri në tre dekada të tjera për të mbyllur detyrimin financiar që me ligj i takon kësaj shtrese.
Sa qesharake duken sot deklaratat dhe zotimet e Rilindjes në 2013, thjesht dhe vetëm për ti mashtruar e marrë votën ish të përndjekurve të sistemit diktatorial.
Ndaj të gjithë në protestë në 11 korrik, o sot o kurrë në protestë kushdo që ndihet i tallur dhe i nëpërkëmbur nga qeveria e premtimeve boshe, nga qeveria e luksit të vetes së saj por e mjerimit dhe varfërimit të shqiptarëve.
