‘Për mua asnjë futbollist nuk është i paprekshëm’-ky është mesazhi i dhënë nga trajneri i Realit t&eu...
POLITIKE
Taulant Muka: Në qoftë se ka njerëz që sot duhet të burgosen, janë ata që janë në pushtet
PiranjatPërditësimi i fundit 20 Tetor 2026, 13:08
Sindikata e universiteteve ka shpallur bojkotin dhe grevën, duke i hapur rrugë çdo pedagogu dhe studenti t'i bashkohet protestave masive pa asnjë pengesë ligjore.
Gjatë një prononcimi, akademiku dhe protestuesi Taulant Muka ka lëshuar deklarata të forta, duke lënë pas paralajmërimet e kreut të qeverisë.
Sipas tij, kryeministri duhet të izolohet dhe të marrë kujdes të shtuar mjekësor, pasi nuk është më në kushtet e duhura për të drejtuar vendin. Në një apel të hapur ndaj organeve të drejtësisë, ai deklaroi se ata që duhet të burgosen janë zyrtarët aktualë në pushtet.
Akuza të drejtpërdrejta u lëshuan ndaj figurave të larta politike si Erion Veliaj, Ogerta Manastirliu, Evis Kushi, Taulant Balla dhe Ulsi Manja, të cilët u etiketuan nga protestuesi si "hajdutë intelektualë" që kanë shkatërruar dijen dhe kapacitetet e vendit.
Muka: Duket se ka shpresë në këtë vend. Ka edhe një lajm shumë pozitiv nga sindikata e universiteteve që ligjërisht, institucionalisht ka shpallur bojkotin, grevën, që thotë që çdo pedagog, çdo student tashmë është i lirë të vijë në protestë. Nuk ka asnjë pengesë ligjore, pavarësisht kërcënimeve të kryeministrit.
Dhe kryeministri i vendit, me një mesazh shumë të shkurtër, ka për detyrë të shkojë, të shtrohet, të izolohet, të marrë kujdes të shtuar mjekësor, se kjo rini ka nevojë për normalitet, kjo shoqëri ka nevojë për normalitet, dhe nuk ka nevojë më për njerëz që nuk janë më në kushtet e duhura për të drejtuar vendin.
Po çfarë do të ndodhë me skenarët që janë parë përgjatë kësaj jave që ka qenë më e dhunshme dhe me goditje, me gaz lotsjellës edhe me, nga ana e studentëve dhe të rinjve që kanë përdorur gurë për t'u kundërpërgjigjur. Nuk do të vijojë më ky skenar apo do të jetë thjesht një marshim paqësor siç është parë sot dhe nga sindikata?
Muka: Unë nuk jam organizator, unë jam një protestues, një akademik, një studiues që gjithmonë kur ka protesta të të rinjve unë bashkohem. Unë di që dhuna më e madhe është dhuna e shtetit. Dhuna më e madhe është kur shikon ato pamje që shteti i godet, policia i godet të rinjtë me shkop gome dhe i lë aty në mes të rrugëve, dhe jo të kujdeset dhe ta mbrojë atë të ri.
Dhunë është kur ti ulesh tek Parku Rinia dhe të vjen policia dhe të rrezikon jetën. Kjo është dhunë, nuk ka dhunë studentore. Ajo dhuna e studentëve nuk është asgjë me dhunën 36 vjeçare sistematike që i ka bërë ky shtet rinisë, që i ka bërë mësuesve, që i ka bërë pedagogëve, që i ka bërë arsimit, që i ka bërë shëndetësisë, që i ka bërë ligjit.
Në qoftë se ka njerëz që sot duhet të burgosen, janë ata që janë në pushtet. Le të shkojë policia te Erion Veliaj, le të shkojë te Ogerta Manastirliu, le të shkojë te Evis Kushi, te Taulant Balla, te Ulsi Manja. Të gjithë hajdutë intelektualë që kanë shkatërruar dijen dhe çdo kapacitet në këtë vend.
