"Të flasësh kundër Dumanit është si të hapësh gropën për veten!" Gazetari: Erion Veliaj dhe sulmi ndaj prokurorit Ols Dado

TIRANA- Gazetari Flamur Vezaj ka bërë një postim në rrjetet sociale ku ka analizuar sulmin e kryebashkiakut Erion Veliaj ndaj prokurorit Ols Dado. Vezaj shkruan se në maj 2024 Veliaj dilte në skenë, para SPAK-ut dhe tregonte sa profesionistë, të ndershëm dhe të pavarur ishin hetuesit e prokurorët që e pyetën. 

Gazetari shtion se si me magji, sapo u arrestua, Veliaj pati një “moment reflektimi nga qelia” dhe papritmas prokurorët nuk qenkëshin më profesionistë e të ndershëm. Ai analizon pse Veliaj sulmon publikisht në deklaratat e tij prokurorin Ols Dado dhe jo kryeprokurorin e SPAK Altin Dumani.

"Po çfarë i ndodhi Erionit? A mos ndoshta e zuri dielli shumë gjatë duke promovuar vetveten?! Dhe, siç ndodh në çdo skenar të mirë menduar, Veliaj sulmon Ols Dadon! Jo Altin Dumanin, që është po aq pjesë e dosjes, por Dadon. Epo, kjo ka kuptim, apo jo? Dumani ka “njohjet e duhura” ose, akoma më keq për Veliajn, ai ka besimin e publikut. Dhe Veliaj e di shumë mirë që të sulmosh Dumanin është si të hapësh gropën për veten, gjë që ai zakonisht ia lë të tjerëve ta bëjnë për të", shkruan Vezaj. 

POSTIMI:

Erion Veliaj dhe sulmi ndaj prokurorit Ols Dado

Sulmet e përditshme ndaj prokurorit Ols Dado po bëhen për arsye “shumë të llogjikshme”! E mbani mend muajin Maj? Kur Erion Veliaj, kryetari i Bashkisë së Tiranës, dilte në skenë, para SPAK-ut e jo vetëm, e na tregonte sa profesionistë, të ndershëm dhe të pavarur ishin hetuesit e prokurorët që e pyetën? Madje, u bë koleg me ata dhe mbështetësi i madh i tyre:

“…Mos t’i përgojojmë, mos të bëjmë rolin e prokurorit e gjyqtarit, se është një institucion serioz dhe për së mbari, një investim i rëndësishëm për Shqipërinë”, – thoshte ai, duke nëkuptuar fjalorin e Metës dhe Berishës që “shanin” prokurorin Altin Dumani.

Por, si me magji, sapo u arrestua, Veliaj pati një “moment reflektimi nga qelia” dhe papritmas prokurorët nuk qenkëshin më profesionistë e të ndershëm! Kush do ta kishte menduar?! Nga një njeri që shante Metën dhe Berishën, u kthye në një kopje të vogël e të shëmtuar të tyre. Po çfarë i ndodhi Erionit? A mos ndoshta e zuri dielli shumë gjatë duke promovuar vetveten?!
Dhe, siç ndodh në çdo skenar të mirë menduar, Veliaj sulmon Ols Dadon! Jo Altin Dumanin, që është po aq pjesë e dosjes, por Dadon. Epo, kjo ka kuptim, apo jo? Dumani ka “njohjet e duhura” ose, akoma më keq për Veliajn, ai ka besimin e publikut. Dhe Veliaj e di shumë mirë që të sulmosh Dumanin është si të hapësh gropën për veten, gjë që ai zakonisht ia lë të tjerëve ta bëjnë për të.

Dhe me çfarë justifikimi po sulmon Dadon? Ah, sepse Dado kishte kërkuar një leje ndërtimi, të cilën Bashkia (pra, Veliaj vetë) ia kishte miratuar, sepse plotësonte kriteret. Por tani, ky qenka “faji i madh” i Dados! Me logjikën brilante të Veliajt, prokurorët duhet të ndjekin “rregullat e vjetra”: merr një leje ndërtimi, bëhu borxhli, dhe pastaj mos guxo të ngresh akuza kundër kryebashkiakut tënd të dashur! Se ndryshe, ja ku vjen hakmarrja politike me “rregullat e reja rilindase”!

Për ta bërë edhe më interesante, Veliaj ka nisur një fushatë për të bindur militantët e tij se ai nuk ka bërë asnjë shkelje ligjore dhe se sulmi i Dados ndaj tij, është thjesht “personal”. Po sigurisht! Pse të merremi me faktet, kur mund të bëjmë një spektakël propagandistik, duke sulmuar prokurorin dhe shpresuar që askush të mos shohë provat?!

Por ja pyetja e madhe: përse Veliaj nuk merret me Dumanin, që është po aq prokuror sa Dado? Ah, sepse e di që asnjëri prej tyre nuk ka vendosur masën e sigurimit, por Gjykata. Po ç’rëndësi ka kjo? Kur mund të shpikësh një fabul të bukur për të hutuar publikun!

Dhe sa qesharake është të sulmosh Dadon për faktin që dikur donte të bëhej violinist apo ka qenë noter?! Veliaj, po ti? Mos vallë ke harruar që dikur shisje fiq dhe bëje propagandë me G99? Apo ajo diploma e universitetit tënd ende ka mbetur mister për publikun?

Dhe, sa për kujtesë, në kohët e “zeza” të reformës së vjetër, prokurorët e përgjithshëm emëronin shokët e tyre, siç ndodhi me Ina Ramën dhe Ols Dadon. Por Veliaj, si një kampion i reformës së re, bëri të njëjtën gjë kur e bëri Naureda Llagamin anëtare të Këshillit të Lartë Gjyqësor e kryetare të këtij këshilli! E tani, do ta “zgjedh” edhe si anëtare të Gjykatës Kushtetuese! Ah, po, Veliajt i lejohet gjithçka, ndërsa të tjerët janë të korruptuar, apo jo?

Në fund të fundit, ndoshta më mirë do të ishte që Veliaj të mblidhte ndonjë provë për të provuar pafajësinë e tij (edhe pse e dimë që kjo është goxha e vështirë), në vend që të harxhonte frymën duke sulmuar vetëm një prokuror. Sepse, siç thuhet, faktet janë kokëforta dhe, më herët apo më vonë, edhe propaganda më e sofistikuar nuk do të mund t’i mbulojë më.

flamur vezaj

Artikuj te sugjeruar

n.f POLITIKE 24 Shkurt09:37

VIDEO/ Kreu i PSD-së, Tom Doshi paraqitet në SPAK

Tom Doshi TIRANË- Kreu i PSD-së, Tom Doshi është paraqitur ditën e sotme në Prokurorinë e Posaçme. Dosh...

M.B. POLITIKE 24 Shkurt09:04

Zgjedhjet e 11 majit/ Rama mbledh drejtuesit politik të PS-së

TIRANA- Kryeministri njëherësh dhe kryesocialisti Edi Rama ka mbledhur drejtuesit politik të Partisë Socialiste.Mësohet se mbled...

r.ll POLITIKE 24 Shkurt08:35

FOTOLAJM/ Rama ndan pamjet nga vizita e presidentit të Emirateve Arabe: Vendosëm piketa të reja bashkëpunimi

rama, bin zayed TIRANË- Presidenti i Emirateve të Bashkuara Arabe, Mohamed Bin Zayed Al Nayan ka vizituar ditën e djeshme Shqipër...

M.B. POLITIKE 23 Shkurt22:02

“Ajo që bëri në Himarë ishte një provokim!" Berisha intervistë për median greke: Beleri, rasti më tipik ku Rama përdori pushtetin për të arritur qëllimet e tij

ATHINA- Kreu i Partisë Demokratike Sali Berisha i cili ndodhej sot në Athinë në kuadër të një takimi me shqiptarë...

M.B. POLITIKE 23 Shkurt20:47

Zgjedhjet në Gjermani/ Rezultatet nxjerrin favorite CDU/CSU, Berisha: Friedrich Merz, Kancelari i ri! Fitore historike

GJERMANIA- Kreu i Partisë Demokratike Sali Berisha ka reagur lidhur me rezultatet e zgjedhjeve në Gjermani. Berisha thotë se e sotmja &eum...

M.B POLITIKE 23 Shkurt20:04

Takimi i PD-së me shqiptarët në Athinë/ Premtimi i Berishës: Kushdo që kthehet do të ketë një periudhë 5-vjeçare pa asnjë taksë

ATHINA- Kreu i Partisë Demokratike Sali Berisha u premtoi nga Athina emigrantëve se cilido prej tyre që ka dëshirë të ktheh...

M.B. POLITIKE 23 Shkurt20:02

"Do t'i themi Ramës, prit diasporën se po vjen!" Berisha-emigrantëve në Athinë: Berisha: Jeni zëri më i fuqishëm, shpresa më e madhe për Shqipërinë

ATHINA- Kreu i Partisë Demokratike Sali Berisha tha sot në takimin me shqiptarët në Athinë se diaspora është z&eu...

M.B. POLITIKE 23 Shkurt19:57

"E kishte marrë pa asnjë akt trashëgimie apo konfiskimi!" Berisha në Athinë: Rama arrestoi Fredi Belerin për shkak të kanionit të Gjipesë

ATHINA- Kreu i Partisë Demokratike Sali Berisha tha sot gjatë fjalës së tij para shqiptarëve në Athinë se kryeministri...

M.B. POLITIKE 23 Shkurt19:24

Berisha shqiptarëve në Athinë: Ju u shndërruat në një faktor shumë të rëndësishëm të zhvillimit ekonomik në Greqi

ATHINA- Kreu i Partisë Demokratike Sali Berisha tha sot në takimin me shqiptarët në Athinë se ata janë shndërruat...

M.B. POLITIKE 23 Shkurt19:23

Takimi i PD-së me emigrantët në Athinë/ Berisha: Këtu ka sot shqiptarë më shumë se në çdo kryeqytet, se çdo qytet tjetër jashtë Shqipërisë

ATHINA- Kreu i Partisë Demokratike Sali Berisha ka marrë falën në takimin me shqiptarët në Athinë. Berisa tha se aty&n...