Policia është përplasur me protestuesit e rinj në qendër të Tiranës pasditen e të hënës, ku dhjetëra pers...
POLITIKE
“Të pashkollë, injorantë, terroristë”/ “Rama përdori kundër të rinjve gjuhë narko-banditi!” Berisha ironi me kryeministrin: Qenka Irani e Rusia pas gjimnazistëve…
PiranjatPërditësimi i fundit 19 Tetor 2026, 12:43
Kryetari i Partisë Demokratike, Sali Berisha, ka reaguar ashpër ndaj deklaratave të kryeministrit Edi Rama për studentët dhe gjimnazistët që po protestojnë në Tiranë. Në një deklaratë nga selia blu, Berisha akuzoi kreun e qeverisë se përdori gjuhë fyese ndaj të rinjve, duke e cilësuar atë si gjuhën e një “narko-banditi”.
Sipas Berishës, të rinjtë që kanë dalë në rrugë po kërkojnë të drejtat e tyre dhe po përpiqen të çlirojnë vendin nga ajo që ai e cilëson si diktaturë. Kreu i PD-së kritikoi etiketimet e përdorura nga Rama ndaj protestuesve.
“Sot Rama, me gjuhën e një narko-banditi ordiner, përdori çdo etiketë kundër studentëve, gjimnazistëve që në të vërtetë janë në një mision çlirimtar të një populli nga diktatura. I quajti studentët dhe gjimnazistët të pashkollë, injorantë, terroristë”, deklaroi Berisha.
Ai akuzoi gjithashtu kryeministrin se po përpiqet të krahasojë veten me liderë të tjerë europianë, ndërsa e cilësoi atë me tone të ashpra politike.
“Bëri gjithçka për të krahasuar veten me Macronin dhe burra shteti të tjerë. Ky është një birbo, një diktator i pacipë, pa fytyrë e moral”, u shpreh kreu i Partisë Demokratike.
Në përfundim, Berisha pretendoi se deklaratat e kryeministrit tregojnë, sipas tij, urrejtje ndaj qytetarëve që kërkojnë të drejtat e tyre.
“Sot Rama tregoi urrejtjen e shfrenuar ndaj shqiptarëve që kërkojnë të drejtat”, deklaroi Berisha.
