Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
"Të sigurtë drejt fitores", Berisha: Këtë shtator, shqiptarët e ndershëm do përballen me qeverinë e mafies
M.BPërditësimi i fundit 1 Shtator 2024, 20:51
Sali Berisha
TIRANA- Kreu i Partisë Demokratike, Sali Berisha, tha sot se ky shtator është muaji më i rëndësishëm për fatin e Shqipërisë dhe të shqiptarëve. Berisha tha se ky është muaji në të cilin, demokratë duhet t’iu provojnë shqiptarëve se jenë të pamposhtur në përmbushjen e misionit të tyre, rikthimin e votës së lirë për qytetarët shqiptarë. Ai shtoi se ata duhet t’u provojnë shqiptarëve se me guxim do ecin të sigurtë drejt fitores dhe se me sakrifica do rikthejnë në vend lirinë, dinjitetin, ligjin, Kushtetutën, votën e lirë.
Pjesë nga fjala e Berishës:
Mirëmbrëma dhe përsëhndetjet më të përzemërta. Mirënjohjen më të pakufijshme ndaj jush, qendrestareve dhe qendrestarëve më të pamposhtur, mbrojtës të kauzës së drejtë të çdo qytetari shqiptar.
Një përshëndetje të përzemërt oratorëve të kësaj platforme të parlamentit të qytetarëve të lirë që përcjellin çdo natë anë e kënd vendit të vërtetat që fsheh regjimi me propagandën e tij, dëshmojnë shqiptarëve rrënime të mëdha të diktaturës së bandave, diktaturës të bazuar në aleancën e pushtetit me krimin, drogën dhe vjedhjen e shqiptarëve.
Sot është ditë e parë e muajit shtator. Sot çdo demokrate e demokrat, çdo opozitare dhe opozitar duhet të jetë në këmbë i betuar për betejë, i betuar për betejë të pandalshme, pa kthim, betejë gjer në fitoren e opozitës, vendosja e qeverisë teknike, zgjedhje të lira, ndryshimin e pushtetit, fitoren e opozitës.
Ky shtator është muaji më i rëndësishëm për fatin e Shqipërisë dhe të shqiptarëve. Është muaji në të cilin, ne demokratet dhe demokratët duhet t’iu provojmë shqiptarëve se jemi të pamposhtur në përmbushjen e misionit tonë, rikthimin e votës së lirë për qytetarët shqiptarë. Ne duhet t’u provojmë shqiptarëve se me guximin tonë ne do ecim të sigurtë drejt fitores, se me sakrificat tona ne do rikthejmë në këtë vend lirinë, dinjitetin, ligjin, Kushtetutën, votën e lirë.
Këtë shtator, si kurrë ndonjëherë më parë do përballen në rrugë dhe sheshet e Shqipërisë shqiptarët e ndershëm që jetojnë me mund dhe djersën e tyre me botën e krimit, me bosët e krimit, me qeverinë e mafies, me lakejtë e saj, me mbështetësit e saj. Kjo betejë është shpëtimtare për Shqipërinë dhe shqiptarët, ndaj edhe ne të betuar se kurrë nuk do të tërhiqemi le të përmbushin misionin tonë të madh.
