Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Tensionet dhe përplasjet në Kuvend/ "Opozita po mbron demokracinë", Salianji: Shfaqja e agresorëve si viktima është hipokrizi neveritëse
r.llPërditësimi i fundit 3 Tetor 2024, 16:30
ervin salianji
FIER- Ish-deputeti i PD-së, Ervin Salianji ka reaguar nga burgu i Fierit lidhur me përplasjet dhe tensionet e krijuara në parlament.
Salianji përmes një letre dërguar avokatëve të tij ditën e sotme shprehet se sot mazhoranca po përpiqet të sillet si viktima, ashtu siç sipas tij "vjedhin dhe përgjegjësin e mbajnë denoncuesit".
Ai shprehet më tej se dhuna dhe brutateliteti më i madh është eleminimi i kundërshtarit politik duke asgjësuar dhe nënshtruar institucionet. Salianji thekson se opozita po mbrohet dhe po mbron demokracinë dhe interesin publik.
LETRA E PLOTË:
Shfaqja e agresorëve si viktima, e dhunuesve si të dhunuar, e abuzuesve si të prekur nga prekja e pronës publike është hipokrizi neveritëse.
Njësoj siç vjedhin dhe përgjegjësine e mbajnë denoncuesit, siç shkretojnë dhe shkatërrojnë, siç e ndajnë Shqipërinë si plaçkë lufte për bandat dhe mes bandave, siç përndjekin administratën, shkatërrojnë meritokracine, sot po përpiqen të sillen si viktima.
Dhuna dhe brutaliteti më i madh është eleminimi i kundërshtarit politik duke asgjësuar dhe nënshtruar institucionet. Duke përdorur institucionet, si komisionet e partisë, për të fshikulluar dhe hequr lirinë dhe asgjesuar të drejtat.
Krimi më i madh është shkatërrimi i demokracisë, shtetit të së drejtës dhe sundimit të ligjit. Pas vrasjes, burgosja politike është forma më e rëndë dhe më brutale e dhunës. Opozita po mbrohet dhe po mbron demokracinë dhe interesin publik.
Ashtu si në seancën e 30 shtatorit edhe seanca e sotme ka zgjatur jo më shumë se 30 minuta dhe është shoqëruar me tensione dhe kaos para nisjes. Deputetët e Opozitës të përjashtuar nga Sekretariati i Etikës kanë mbërritur ditën e sotme në Kuvend duke tentuar që të hyjnë në sallë. Por nuk janë lejuar nga garda, duke krijuar një skenë kaosi para parlamentit. Mes kaosit të krijuar ka pasur dhe përplasje fizike mes deputetëve opozitarë dhe atyre të maxhorancës, të cilët nuk janë lejuar në hyjnë në Kuvend. Ndërkohë socialistët vetëm me votat e tyre kanë miratuar projektligjet e projektuar për ditën e sotme.
