Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
Tetori rozë/ Berisha: Gratë e famijes Rama, gratë e qeverisë, gratë e parlamentit të krimit nuk mund të flasin, pasi paratë vidhe
E.DPërditësimi i fundit 30 Tetor 2024, 19:42
TIRANË- Kreu i Partisë Demokratike, Sali Berisha gjata fjalimit tij mbrëmjen e sotme duke folur për ‘Tetorin rozë’, akuzoi gratë e familjes Rama, të qeverisë dhe ato të mazhorancës, se nuk flasin asnjë fjalë për këtë muaj. Berisha gjithashtu tha se ata këtë muaj, mbajtën një heshtje varri para kësaj sëmundje e cila ka nevojë të madhe shumë, para së gjithash të rritet vetëdija e vajzave dhe grave për këtë sëmundje.
"Të dashur miq! Shqipëria ndofta është vendi i vetëm në Europë, për të mos thënë edhe në botë, në të cilën Tetori rozë nuk ekziston për pushtetin, për zonjat e pushtetit dhe zotërinjtë e pushtetit. Ata këtë muaj, mbajtën një heshtje varri para kësaj sëmundje e cila ka nevojë të madhe shumë, para së gjithash të rritet vetëdija e vajzave dhe grave për këtë sëmundje. Shtroni pyetjen pak; si ka mundësi që zonja e nderuar Linda Rama, e ashtëquajtura ‘first lady’ edhe ‘second edhe first’ në fakt, si ka mundësi Elisa Spirogjoka, Lubi Balluku, apo zonja të tjera të jenë kaq gojëkyçura këtë muaj ndaj një armiku të egër, të nënave, motrave, grave dhe vajzave shqiptare.
Çfarë ua mbyll atyre gojën, të cilat në kor vrapojnë secila të flasin për çdo gjë, por jo për atë që duhet të flasin. Si ka mundësi? Ua them unë, ato nuk mund të flasin sepse janë të rreshtuara një me armikun e vajzave dhe grave, janë të rreshtuara në krahun e tij. Po, po, nuk mund të flasë Linda Rama, sepse Edi burri i saj, i jep check up-in gruas së kushëririt, Vilma Nushit, e cila merr para shqiptarëve për 500-600 check up që nuk i ka bërë kurrë. Nëse 1/10 e këtyre parave do të përdoreshin për depistimin falas, blerjen e mamografëve, suksesi i mjekimit të saj nuk do të ishte ky që është sot. Fati i motrave, vajzave, grave e nënave tona, nuk do të ishte ajo e Ina Kasimatit të ndjerë, por do të ishte i suksesit në 90%. Ja pra pse heshtin gratë e famijes Rama, ja pse heshtin gratë e qeverisë, gratë e parlamentit të krimit," tha Berisha.
