Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
Tirana e mbytur në beton, pylli orbital dështoi/ Rama leksione për gjelbërimin
PiranjatPërditësimi i fundit 11 Tetor 2025, 09:52
Në një qytet që vazhdon të shndërrohet çdo ditë e më shumë në një vend labirint betoni, kryeministri Edi Rama vijon të krijoj një ‘iluzion të gjelbër’. Gjatë finales së konkursit ndërkombëtar për “Parkun e Besimit”, ai ofroi një tjetër leksion për nevojën e hapësirave të gjelbra dhe harmoni ndërfetarë, një projekt që synon të shndërrojë Kalasën e Petrelës në një qendër kulturore dhe shpirtërore.
Megjithatë, në një Tiranë që është pothuajse e mbytur nga ndërtimet e reja, kullat dhe betoni, mungesa e hapësirave të gjelbra dhe dëmit të pashërueshëm që ndërtimet pa planifikim kanë shkaktuar, ndërkohë që edhe projekti i “Pyllit Orbital” që kishte për qëllim gjelbërimin e kryeqytetit, dështoi të realizohet, ku mbeti thjeshtë një propagandë.
Edi Rama: Ndaj dhunës që bëhet në emër të së shenjtës. Dhe këtu thuhet kur pushtoni një qytet, mos i prisni pemët. Nuk do ketë statuja krenarie dhe pushteti në këtë park do ketë vetëm pemë dhe ujë. Cdo gjë e gjallë është bërë prej ujit. Ja pse ne kërkuam nëpër botë dhe fal kësaj ushtrie të mrekullueshme, bota u përgjigj. Që shërben, jo për tu imponuar, por për të ndihmuar, le të shijojmë një ditë të bukur krenarie, nëse ora dita e gjykimit vjen dhe një prej jush ka një fidan palme në duar dhe mund ta mbjell le ta mbjelli.
