Astrit Idrizi, 35-vjeçari i arrestuar për zjarrin në banesat sociale në Shkozë ku humbën jetën dy të moshuar, dyshoh...
POLITIKE
Tirana nën pushtetin e studentëve, Koçiu: Shqipëria nuk ka nevojë të digjet për të ndryshuar
PiranjatPërditësimi i fundit 14 Tetor 2026, 18:40
Zëvendës kryeministrja, Albana Koçiu ka bërë një tjetër reagim ndërsa revolta e studentëve ka marrë përmasa masive në ditën e dytë, të cilët kanë shënjestruar Kryeministrinë dhe institucione të tjera kryesore në vend.
Në një reagim në Facebook, ajo shkruan se Shqipëria e ka paguar faturën e shtrenjtë të kaosit në të kaluarën, pasojat e të cilit, thotë ajo, “e mbajtën vendin peng për dekada, duke lënë plagë që i ndiejmë ende sot.”
Ajo shton se vendi nuk ka nevojë që të digjet për të ndryshuar.
“Në këto orë duhet qetësi, vetëpërmbajtje dhe maturi. Institucionet janë pasuri publike, bizneset janë puna e dikujt, rrugët janë të të gjithëve dhe siguria është e drejtë e çdo qytetari. Shqipëria nuk ka nevojë të digjet për të ndryshuar. Ka nevojë të ndërtojë, të përparojë dhe të mbrojë atë që ka arritur.”, thekson ajo.
REAGIMI I PLOTE:
Shqipëria e ka paguar jashtëzakonisht shtrenjtë faturën e kaosit në të kaluarën, ku në emër të zemërimit dhe revoltës, u sulmuan institucione, u shkatërrua prona dhe vendi u zhyt në një krizë që i kushtoi shumë vite zhvillimi, stabiliteti dhe besimi. Pasojat e atij kaosi e mbajtën vendin peng për dekada, duke lënë plagë që i ndiejmë ende sot.
Pamjet e dhunës, flakëve dhe përplasjeve në Tiranë, na kujtojnë se sa e brishtë është vija që ndan protestën paqësore nga kaosi.
Në këto orë duhet qetësi, vetëpërmbajtje dhe maturi. Institucionet janë pasuri publike, bizneset janë puna e dikujt, rrugët janë të të gjithëve dhe siguria është e drejtë e çdo qytetari.
Shqipëria nuk ka nevojë të digjet për të ndryshuar. Ka nevojë të ndërtojë, të përparojë dhe të mbrojë atë që ka arritur.
