Vlora ende pa markatë peshku, Vojo Bregu: Ministrja po përsërit premtimet e 2 viteve më parë

foto nga postimi

TIRANË- Ish-sekretari i Përgjithshëm i Ministrisë së Bujqësisë, Vojo Bregu ka denoncuar moshapjen e markatës së peshkut në Vlorë, e premtuar dy vite më parë.

Përmes një postimi në Facebook, Bregu shkruan se ishte ish-ministrja e Bujqësisë, Frida Krifca lajmëroi para dy vitesh se markata prej 1300 m2 me 14 dhoma frigoriferike, ishte gati për të nisur punën. Ndërkohë pas gati dy vitesh të njëjtin lajmërim e bën ministrja aktuale, Anila Denaj. 

Më tej, ai shkruan se i vetmi ndryshim në lajmërimet është se zv. Ministri përgjegjës për peshkimin nuk është tek postimi i dytë.

POSTIMI I PLOTË:

2 postime, njëri para 2 vjetësh, tjetri sot që tregojnë të njëjtën gjë.

Markata e peshkut në Vlorë prej 1300 m2 me 14 dhoma frigoriferike, është gati për të filluar punën, pra nuk ka filluar ende.
Ndryshimi i vetëm është që para 2 vjetësh e lajmëronte ministrja Krifca, kurse pas 2 vjetësh e lajmëron ministrja Denaj.

P.S. i vetmi ndryshim është që zv. Ministri përgjegjës për peshkimin nuk është tek postimi i dytë, dhe unë dyshoj shumë që ai e ka gënjyer patrioten time këtë rradhë.

anila denaj frida krifca markata e peshkut ne vlore