Autoritetet në Afrikën e Jugut vijojnë hetimet për vdekjen e papritur të futbollistit Jayden Adams, mesfushorit të Mamelodi Sund...
POLITIKE
Veliaj në Kushtetuese/ Artan Hoxha: Shkarkimi politik. Nga ndryshon me rastin e Agim Kajmakut
PiranjatPërditësimi i fundit 29 Shtator 2025, 22:18
Duke komentuar me ankimimin e Erion Veliajt në Kushtetuese, gazetari Artan Hoxham, solli në vëmendje rastin e kryetarit të Bashkisë së Vorës, Agim Kajmaku, i cili pavarësisht se u hoq, fitoi cështjen dhe mori 500 mijë euro dëmshpërblim.
Hoxha thotë se vendimi për shkarkimin e Veliajt ishte politik dhe është habi që juristët e tre institucioneve nuk thanë asnjë fjalë. Megjithatë, gazetari Hoxha thotë se surpriza më e madhe e kësaj cështje është Presidenca.
Artan Hoxha: “Jo më kot solla shembullin e Kajmakut të Vorës, që me një vendim të Gjykatës Administrative mori 44 rroga. Minimalisht ai mori gjysmë milioni euro. Ka ngjashmëri ky rast me Veliajn sot. Mandatin Kajmakun ia ndërpreu KQZ dhe jo Këshilli i Ministrave. Për Veliajn ishte vendim politik në kohë rekord. Juristët e tre institucioneve, të Bashkisë Tiranë, Prefekturës dhe Kryeministrisë ndërkohë nuk bënë asgjë.
Për fat, gjyqtarja e Gjykatës Kushtetuese e mori shpejt rastin për shqyrtim të Veliajt. E vetmja gjë që më ka surprizuar, është Presidenca, që nuk është shprehur fare. Ne do presim nëse do shprehet, mund ta kalojë në heshtje, por mund të dekretojë zgjedhje.”
