ZVICËR- Një shqiptar ka provuar ta hapë derën e avionit gjatë një fluturimi nga Zyrihu për në Prishtinë. Per...
POLITIKE
"Vendime dënimi për gjyqtaren!" Avokati Genc Gjokutaj: Bëhet fjalë për dy procese të ndara
M.B.Përditësimi i fundit 5 Maj 2025, 18:45
TIRANA- Avokati Genc Gjokutaj ka vijuar me akuzat ndaj gjyqtares Irena Gjoka, e cila sipas tij, ka mbajtur të fshehura dy çështje të rëndësishme ligjore në të kaluarën e saj, një administrative dhe një penale. I ftuar në emisionin ‘Task-Forcë’, Gjokutaj tha se bëhet fjalë për dy procese të ndara që përfshijnë Gjokën.
Avokati tha se bëhet fjalë fillimisht një vendim administrativ nga autoritetet greke për dëbimin dhe ndalimin në hapësirën Shengen për 10 vjet, dhe më pas një çështje penale për falsifikim të vizës, për të cilën ajo është dënuar nga gjykata. Sipas tij, ky vendim penal është konvertuar më vonë në dënim alternativ, 3 vite burg të konvertuara në gjobë prej 4.4 euro për ditë burg.
"Çfarë ka ndodhur? Fabula është ajo çfarë u shpjegua. Por kemi dy procese, nuk është 1 proces dhe njerëzit, shumë veta, duke patur parasysh artikullin e gazetës Tema muaj përpara, asokohe është diskutuar vetëm vendimi administrativ që ishte dekreti i policisë greke për dëbimin nga Greqia dhe ndalimin e shengenit për 10 vjet. Dhe zonja Irena Gjoka, ka kundërshtuar këtë dekret në gjykatë, personalisht. Dhe kur ka vajtur prapë dhe është kthyer, ka patur këto probleme", tha Gjokutaj.
