Pamjet që shikoni në videon e mëposhtme janë nga situata kritike në Himarë, ku një zjarr i përmasave të mëdha ...
POLITIKE
VIDEO/ Berisha sfidon Ulsi Manjën: Dumani ta shiti, por kam regjistrimin tënd. Ku i ke kostumet?
PiranjatPërditësimi i fundit 30 Tetor 2025, 20:24
Kryetari i Partisë Demokratike, Sali Berisha, u përfshi në debate me ish-ministrin Ulsi Manja në seancën plenare. Berisha tha se kishte një regjistrim të tij, ndërsa Manjën se ka paguar kreun e SAPK, Altin Dumani, që të mos dalë ai regjistrim, por e paralajmëroi se “nuk ka shpresë” për të.
“Ku iku ky i Louis Vuitton? Iku ky se edhe ai ka paguar. O Ulsi, edhe po ta ka shitur Dumani ty, atë e kam unë në dosje, regjistrimin tënd. Nuk ka shpresë që të dalësh”, tha Berisha por pa bërë me dije se për çfarë regjistrimi bëhet fjalë.
Deputeti i PS-së i ndërhyri nga vendi, ndërsa Berisha e akuzoi si të “inkriminuar” dhe vazhdoi:
“Ku i ke kostumet? I ke fshehur apo i ke hequr?”
Në një moment, Manja hoqi xhaketën në shenjë reagimi dhe u shpreh:
“Hajt t’i nxjerrim kostumet dhe të shohim sa kushtojnë, i imi dhe i joti.”
Berisha vazhdoi: “500 mijë euro janë veç nga çanta, i ke me regjistrim? I ke kërkuar një çantë Louis Vuitton dhe të kanë pyetur për kë e do? Ti sjell unë bashkë me dosjen dhe fashikullin, përveç se ke marrë 500 mijë euro, i ke kërkuar dhe një çantë Louis Vuitton dhe të kanë pyetur për kë e do, pastaj pjesën tjetër s’po ta them.”
Ish-ministri Manja iu përgjigj:
“E kam pyetur ChatGPT a ka çantë 500 mijë euro Louis Vuitton, më ka thënë jo. Sa për kostumet, jam gati ti bëjmë eksperimentim, se vetëm copa e kostumit që ke ti bën dy mijë euro.”
