Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
POLITIKE
VIDEO/ Denoncon deputeti: Si i dhunoi policia minatorët në Mirditë, disa u shoqëruan
PiranjatPërditësimi i fundit 14 Tetor 2025, 09:27
Deputeti i PD-së, Agron Gjekmarkaj ka bërë sot një denoncim, ku pretendon se forcat e policisë kanë dhunuar përfaqësues të sindikatës së minatorëve në Mirditë, të cilët po mbanin një protestë.
Siç shihet nga pamjet e publikuara në rrjetet sociale, disa prej protestuesve janë shoqëruar në polici.
“PD denoncon me forcë veprimin e dhunshëm të Policisë së Mirditës dhe forcave FNSH ndaj përfaqësuesve të sindikatës dhe minatorëve që po ushtrojnë të drejtën për protestë të ligjshme.
Sipas raporteve, disa prej protestuesve u shoqëruan në polici në mënyrë arbitrare ku janë përdorur metoda fizike që cenojnë integritetin fizik dhe dinjitetin njerëzor.
Ne shprehim solidaritetin tonë të plotë me minatorët që kërkojnë paga të drejta, kushte pune të sigurta dhe dialog institucional të hapur e transparent.
I bëjmë thirrje autoriteteve përkatëse, veçanërisht Prokurorisë dhe Inspektoratit të Punës, të ndërmarrin hetim të menjëhershëm, të paanshëm dhe të plotë për të zbuluar përgjegjësitë dhe për të sjellë drejtësi.
Çdo shkelje e të drejtave themelore duhet të hetohet, askush nuk duhet të jetë mbi ligjin”, shkruan Gjekmarkaj.
