Në ditën e nisjes së gjyqit të themelit për dosjen “Partizani”, ish-kryeministri Sali Berisha ka mohuar akuzat e ngritura...
POLITIKE
VIDEO/ "I kemi larë duart me shtetin rus që në 1990", Rama "harron" vizitën e tij në Moskë para 4 vitesh ku zhvilloi takim me Lavrov
r.llPërditësimi i fundit 30 Gusht 2024, 22:34
takimi ne rusi
TIRANË- Kryeministri Edi Rama ndodhet në Pragë ku po merr pjesë në forumin e sigurisë "GLOBSEC". Në një prej tryezave, ku u diskutua për temën “Rajoni nën rrethim: Brishtësia e Ballkanit Perëndimor”, kryeministri u pyet nga moderatori Steve Clemons, nëse Rusia ka tentuar të ndërhyjë në qeverinë shqiptare. Në përgjigjen e tij kryeministri tha se kjo nuk ka ndodhur aspak, ndërsa u shpreh më tej se Shqipëria është një vend që ka “larë duart” me shtetin rus që në vitin 1990 dhe se Rusia nuk gjen dot as spiunë, që t’i bëjë dëm Shqipërisë.
"Kur komunistët vendosën të heqin qafe Stalinin, ne i qëndruam besnikë. Pra ne jemi besnikë. Edhe kur BE dhe SHBA mos jenë aty, ne do të vazhdojmë të jemi. Duke qenë vend stalinist deri në vitin 90-të, nuk ishim vend interesant për Rusinë, dhe nuk kemi patur vizita të nivelit të lartë. Rusia është një vend i madh, por se kam kuptuar asnjëherë që pse Dostojevski nuk lejohet në disa Universitete. Sa i përket Rusisë nuk jemi të interesuar, dhe Rusia nuk mund të gjejë spiunë apo njerëz në Shqipëri që të përmbushë interesat e tyre. Nuk kemi patur asgjë të madhe. Aty ku Rusia është shumë e fuqishme apo influente ësthë në pjesë të tjerë të Ballkanit, prandaj duam që të përfundojë konflikti Serbi-Kosovë. Kjo është arsyeja se pse sa më shumë ta lidhim integrimin e BE me NATO-n, do të ishte më mirë.", tha konkretisht Rama në Pragë.
Siç duket kryeministri ka zgjedhur mos të përmendë vizitën e tij bashkë me delegacionin që e shoqëronte, para 4 vitesh në Moskë ku zhvilloi takim ballë për ballë me ministrin e Jashtëm të Rusisë, Sergei Lavrov.
