I ftuar në emisionin ‘Kafe Shqeto’ në Syri TV, pedagogu Gjok Vuksani ka akuzuar kryeministrin Edi Rama për gjuhën fyese ndaj s...
POLITIKE
"Viktimizimi për mungesë hapësire në media është patetik", Ermal Hasimja: Emisioni i Fevziut e ka bërë të njohur Qorin, përndryshe do ta njihnin vetëm studentët!
n.fPërditësimi i fundit 10 Janar 2025, 21:26
Foto ilustruese
TIRANË- Shkrimtari, Ermal Hasimja përmes një postimi në llogarinë e tij në "Facebook" ka reaguar në lidhje me debatin e regjistruar mbrëmjen e djeshme në emisionin "Opinion" mes Blendi Fevziut dhe kreut të Lëvizjes Bashkë, Arlind Qori. Hasimja shkruan se Qori synon të krijojë imazhin e njeriut të ndershëm por ndershmëria nis duke thënë të vërtetën për atë që je dhe mendon. Sipas tij Qori është komunist dhe e dinë të gjithë ata që e njohin, por këtë nuk e thotë askund dhe fshihet pas eufemizmave.
Shkrimtari më tej shkruan se viktimizimi për mungesë hapësire në media është patetik. Hasimja thekson se emisioni "Opinion" e ka bërë Qorin të njohur pasi sipas tij atë do njihnin vetëm studentët që indoktrinon me marksizëm me taksat e qytetarëve. Ai gjithashtu shtoi se kush mërzitet nga ky status ti bëjë unfriend pasi ndryshe nga Fevziu ai nuk kam ndërmend të lejoj askënd ti tregojë se çfarë duhet të postojë në profilin e tij.
Arlind Qori synon të krijojë imazhin e njeriut të ndershëm. Por ndershmëria nis duke thënë të vërtetën për atë që je dhe mendon. Qori është komunist dhe e dinë të gjithë ata që e njohin, por këtë nuk e thotë askund dhe fshihet pas eufemizmave. Ai mbron një ideologji totalitare që shkaktoi 160 milion viktima dhe solli vetëm terror e mjerim në çdo vend ku u zbatua qoftë edhe pjesërisht. Eshtë armik i pronës private, i biznesit dhe i lirisë e jo thjesht i oligarkëve. Identitetin ideologjik e ndan vetëm me ndjekësit e afërt, por jo me publikun. Për mua ka vetëm një nivel më keq se komunisti dhe ky është komunisti që nuk e thotë se është komunist. Nuk mund të jesh i ndershëm dhe të fshihesh.
Viktimizimi për mungesë hapësire në media është patetik. Eshtë pikërisht emisioni i Fevziut që e ka bërë të njohur, përndryshe do ta njihnin vetëm studentët që indoktrinon me marksizëm me taksat tona. Kush mërzitet nga ky status i lutem të më bëjë unfriend. Ndryshe nga Fevziu unë nuk kam ndërmend të lejoj askënd të më tregojë se çfarë duhet të postoj në profilin tim. Këtë që them e mendojnë plot vetë, por një pjesë nuk e thonë se nuk duan t'u mërziten ata që simpatizojnë Qorin. Aq më tepër që sot është në modë të jesh sallaks. Por e vërteta duhet thënë sidomos kur nuk pëlqehet. Çfarë u bë me Parashqevinë se na mori malli?
Një debat i ashpër ka shpërthyer në emisionin e mbrëmshëm të Opinion mes gazetarit Blendi Fevziu dhe kreut të Lëvizjes Bashkë Arlind Qori. Debati ka nisur pasi, Qori ka deklaruar se Lëvizja Bashkë është kërcënim për pushtetin dhe oligarkinë dhe se për këtë arsye nuk ftohet në emisione televizive.
Sipas Qorit, 'Tv Klan' e ka censuruar atë për shkak të akuzave që ai ka bërë ndaj oligarkëve dhe Samir Manes. Nga ana tjetër Fevziu u shpreh se nuk ka asnjë ndërhyrje për të ftuarit që merr dhe se nuk pranon që atij t'i japin urdhëra për të ftuar njerëz të caktuar. Ndërkohë që Qori ka vazhduar duke thënë që është skandaloze që të mos ndiqen protestat që Lëvizja Bashkë ka bërë për pensionistët. Ndërsa Fevziu i ka përmendur dhe hierarkinë e shtetit shqiptar nga të cilët janë ftuar vetëm 1 herë në vit kryeministri dhe kreu i opozitës, po aq sa Qori.
