Vizita e Ramës në Athinë, Mitsotakis largohet drejt Ankarasë/ Zbardhen detaje nga takimi

ATHINË - Kryeministri Edi Rama pritet të niset pasditen e së shtunës drejt Greqisë për vizitën që do të mbajë më 12 Maj me emigrantët shqiptarë në Athinë. Vizita e tij shkaktoi reagime të shumta nga palët greke por jo vetëm, teksa është cilësuar si një provokim nisur nga fakti se data e vizitës përkon me arrestimin e kryebashkiakut të zgjedhur të Himarës, Fredi Beleri, i cili është dënuar nga GJKKO me dy vite burg nën akuzën për shit-blerje votash.

Mësohet se Rama do të niset drejt Athinës me charter privat mbrëmjen e së shtunës për tu takuar më pas me emigrantët të dielën në orën 11. Mësohet se takimi do të hapet me një koncert ku do të jenë të ftuar këngëtarë shqiptarë. Sakaq një ditë më parë homologu i Ramës, Mitsotakis e ka cilësuar vizitën e tij si të panevojshme, ndërsa u shpreh se Rama nuk është një i ftuar i qeverisë por gjithsesi ata nuk e ndalojnë dot vizitën e tij. Duket se vizita e Ramës nuk është fort e rëndësishme për homologun e tij, thënë kjo nga fakti se Mitsotakis nuk do të jetë në Athinë në datë 12 Maj.

Sias mediave turke ai do të udhëtojë të dielën drejt Ankarasë ku pritet të zhvillojë një takim me presidentin turk Erdogan, më 13 Maj.

“Presidenti Recep Tayyip Erdoğan konfirmoi të hënën se kryeministri Kyriakos Mitsotakis i Greqisë fqinje do të vizitojë Turqinë më 13 maj. Vizita u njoftua tashmë nga Mitsotakis dhe pason një vizitë në Athinë nga Erdogan në dhjetor. Megjithëse ndajnë një histori dhe trashëgimi kulturore, të dy vendet në anët e kundërta të detit Egje kanë qenë armiqësore ndaj njëri-tjetrit në të kaluarën lidhur me një numër çështjesh, kryesisht ndarjen e ujrave territoriale dhe politikat lidhur me ishullin, çështje që pritet të diskutohet mes Mitsotakis dhe Erdogan”,- thuhet në artikull.

Nuk dihet nëse takimi i Mitsotakis është rastësor në të njëjtën datë me vizitën e Ramës drejt Athinës, por kjo koecidencë nuk ka kaluar pa u komentuar nga palët greke.

mitsotakis edi rama athine takim