Gazetari Osman Stafa ka publikuar pamjet nga kamera e sigurisë së një prej bizneseve në zonën e Medresesë, aty ku më herë...
POLITIKE
Vizita në Athinë/ Motra e Mitsotakis "kërcënon" Ramën: Greqia ka ndikim më shumë tek emigrantët shqiptarë, mund ta shfrytëzojmë…
b.zPërditësimi i fundit 14 Maj 2024, 22:58
Dora Bakoyanis
GREQI - Politikania greke Dora Bakoyanis, njëkohësisht dhe motra e kryeministrit Kyriakos Mitsotakis ka komentuar vizitën e kryeministrit Edi Rama të mbajtur më 12 maj në Athinë, ku takoi emigrantët shqiptarë. Në një intervistë për median vendase SKAI, Bakoyanis u shpreh se Rama mblodhi 5 mijë veta në Greqi, por sipas saj kjo nuk ka fort rëndësi. Ajo shprehet se me rëndësi është qasja e ndjekur për çështjen Beleri.
Bakoyanis deklaroi më tej se Greqia ka në dorë rrugën e Shqipërisë drejt BE, ndërsa u shpreh se kryeministri Rama nuk duhet të harrojë se Greqia ka më shumë ndikim te votuesit shqiptarë që jetojnë në aty, dhe se nëse do të dojë ta shfrytëzojë këtë ndikim, mund ta bëjë me lehtësi.
"Rama mblodhi 5000 shqiptarë dhe u foli, dhe mirë bëri. Por mua më intereson ajo që bëri me Belerin. Rruga europiane e Shqipërisë varet nga respekti i pakicës etnike dhe kalon nga Greqia. Rama të mos harrojë se së pari ka Greqia ndikim politik tek votuesit shqiptarë që janë prezent në Greqi dhe kur do që ta shfrytëzojë këtë ndikim mund ta bëjë me shumë lehtësi”, theksoi Bakoyanis.
