Protestat në Tiranë vijojnë me përplasje mes demonstruesve dhe policisë së rendit, shkruan BBC. Nxënësit e shkollave t...
POLITIKE
"Vodhëm 500 mijë euro në shtëpinë e dhëndrit të Agron Dukës", deputeti komenton dëshminë e Nuredin Dumanit: Nuk kemi lidhje me këtë dhe nuk është e vërtetë
r.llPërditësimi i fundit 20 Shkurt 2025, 22:05
duka, dumani
TIRANË- Kryetari i Partisë Agrare Ambientaliste, Agron Duka ka reaguar pas dëshmisë së të penduarit të drejtësisë, Nuredin Dumanit, ku tha në gjyq se kishte vjedhur edhe shtëpinë në Shijak të dhëndrit të deputetit. Duka tha se as ai dhe as dhëndri i tij nuk kanë lidhje me dëshminë e Dumanit dhe tha se kjo mund të jetë një trillim për qëllime që ai nuk i di.
“Unë dhe dhëndri im nuk i kam pasur ndonjëherë lekët cash. Unë i kam kompani, me kredi dhe biznese, aktivitet i rregullt. Dhëndri im është në Angli, me vajzën time me familjen dhe jeton atje. A është rrenë kjo, është e sigurt, por nëse është triller, edhe mundet, për ndonjë qëllim. Për të thënë që ja dhëndri i Dukës ka shumë lekë, apo duke thënë se ka sjellë 500 mijë euro në Shijak, s’e di. Nuk kemi lidhje fare me këtë dhe nuk është e vërtetë”, deklaroi Duka në Report Tv.
I penuari i drejtësisë, Nuredin Dumani bëri një deklaratë të fortë në seancën e sotme në GJKKO duke pranuar se ka qenë pjesë e një grabitje të bërë në shtëpinë e dhëndrit të Agron Dukës, Kryetarit të Partisë Agrare Ambientaliste. Dumani tha se Dorian Shkoza i ka thënë se banesa ku është bërë vjedhja është e dhëndrit të Agron Dukës. Ai ka shtuar se së bashku me të tjerë kishin vjedhur një shumë prej 500 mijë eurosh, të fshehura në një banesë në Shijak dhe Vilbashtovë.
