Vota e Greqisë/ DHL i përgjigjet KQZ: Procesi sipas procedurave, çdo dërgesë ka provë dorëzimi

TIRANË- Kompania postare DHL i është përgjigjur KQZ-së pas kërkesës për të dhënë sqarime lidhur me disa problematika të konstatuara në Greqi. Në shkresën që mban datën 9 maj, thotë se numri i zarfeve të dorëzuara në Greqi është 61 106, ndërsa të tërhequra janë 52 944.

Nga dërgesat e padorëzuara 4 449 deri më 9 maj, kompania thotë se 4143 kishin adresa të pasakta dhe pjesa tjetër janë kërkuar nga vetë marrësi që të mbahen nëpërmjet shërbimit On Demand Delivery. Sipas DHL nga këto dërgesa të padorëzuara, janë bërë 2 780 përpjekje për dorëzim. 

Gjithashtu DHL thekson se procesi nuk është deleguar dhe se dërgesat janë kryer në përputhje me procedurat standarte, të cilat përfshijnë Direct Signature (firmosje të personit marrës) në dorëzim. Sipas kompanisë, të gjithë emigrantëve u është dërguar sms apo e-mail dhe se “njoftimet janë bërë që me krijimin e AWB(numrit të gjurmimit) në Tiranë e në vazhdimësi, përfshirë edhe vendndodhjen e dërgesës në pikat e shërbimit kur dërgesa nuk është bërë e mundur të dorëzohet apo ka pasur adresë të gabuar.

Kompania thekson se 197 dërgesa në Greqi kanë rezultuar me numër kontakti dhe emal të pasaktë.  Kompania thekson gjithashtu se nuk ka asnjë rast që njoftimi nuk është bërë nëse marrësi ka patur numër telefoni të regjistruar në regjistrimin e KQZ apo emal aktiv dhe se nuk ka asnjë raportim për dërgesa që nu ki janë dorëzuar emigrantit. 

"Nga të gjitha kërkesat për verifikim, janë vetëm 5 raste në total në rë gjitha vendet përfshirë Greqinë, që janë në ndekje për verifikim. Çdo dërgesë e dorëzuar ka provë dorëzimi. 4 779 dërgesa janë marrë nga korrierët në shtëpi në kthim. 18 489 dërgesa janë dorëzuar nga votuesit në pikat e shërbimit DHL dhe 25 90 dërgesa janë dorëzuar në pikat e partnerëve lokalë të DHL," thuhet në përgjigje.