Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
POLITIKE
Votimi elektronik në Vorë dhe njësinë 10, PS kritika KQZ: Mosnxjerrja e rezultateve, vendim i gabuar dhe zhgënjyes
r.llPërditësimi i fundit 11 Maj 2025, 21:26
helena kace
TIRANË- Zëdhënësja e Partisë Socialiste, Helena Kaçe ka dalë në një deklaratë për mediat nga selia e PS lidhur me mosnxjerrjen e rezultatit në Vorë dhe njësinë nr 10, ku është votuar elektronikisht. Kaçe shprehet se ky është vendim i gabuar dhe zhgënjyes për rolin që ka KQZ si garant i popullit dhe jo i nevojave politike.
Ajo shprehet se socialistët në Vorë dhe gjithë Shqipërinë duhet të ruajnë qetësinë dhe të presin rezultatin përfundimtar zgjedhor.
Zëdhënësja e PS:Mosnxjerrja e rezultateve të Vorës dhe Njësisë 10 nga KQZ, me një vendim arbitrar që bie ndesh me logjikën e votimit elektronik, me traditën e shpalljes menjëherë të rezultatit, si edhe me vetë arsyen e investimit jo të vogël që është bërë për infrastrukturën elektronike, është një vendim arbitrar, i gabuar dhe zhgënyes për rolin e KQZ si garant i Sovranit popull, e jo i nevojave taktike të partive politike. Jemi të keqardhur për këtë dhe u bëjmë thirrje Partisë Socialiste të Vorës si edhe mbështësve tanë në Vorë të ruajnë qetësinë.
Rezultati është në kuti dhe mos kini asnjë dyshim se asgjë dhe askush nuk e ndryshon dot atë. Ju jeni dallandyshja e parë e një fitoreje që do të jetë e paharrueshme në historinë e Partisë Socialiste. Urime, urime, urime! Të gjithë socialistët e përfshirë në proces në të gjithë Shqipërinë duhet të ruajnë qetësinë, t’u shmangen provokimeve dhe të nxjerrin me durim fitoren nga kutitë ku populli Sovran ka kyçur vendimin e tij historik.
