Burime mediatike se asnjë nga tre të plagosurit nuk ka qenë objektiv i atentatit mbrëmë në Elbasan, por një person tjet&e...
POLITIKE
"Votoni për ta mbyllur me sukses krushqinë me BE"/ Rama për Berishën: Demokratët nuk duhet të hyjnë në gjynah të dyfishtë, besoj se ata do t’i bashkohen 5-ës
E.DPërditësimi i fundit 8 Maj 2025, 20:54
DURRËS- Kryeministri Edi Rama, gjatë takimit në Durrës, ironizoi Kreydemokratin Sali Berishën, duke e quajtur si “i rrjedhuri që vjen vërdallë në Shqipëri dhe thotë do ta bëjë Shqipërinë Madhështore”. Gjatë fjalës së tij Kyreministri theksoi se të votosh Berishën është gjynah i dyfishtë. Rama më tej tha se beson shumë se demokratë do t’i bashkohen 5-ës, sipas tij jo për PS por për të mbyllur me sukses krushqinë me BE.
“Këtij të rrjedhuri që vjen vërdallë në Shqipëri dhe thotë do ta bëjë Shqipërinë Madhështore. Që nuk arrin dot të lidhë kryefjalën me kallëzuesin, mirë që nuk iu gjet dikush aty afër të mos e lërë aty afër që të mos e lërë të dalë nga Shqipëria. Por këtë herë zgjedhësit demokrat nuk duhet të hyjnë në gjynah. Se gjynahu është i dyfishtë. Të mos votosh për të mbyllur negociatat me BE dhe nga ana tjetër të mos votosh për të mos e lënë plakun të shkojë në shtëpi, por për ta mbajtur zvarrë në Shqipëri, është vërtet shumë e ulët.
Unë shpresoj dhe besoj shumë demokratë do t’i bashkohen 5-ës. Jo PS por Shqipërisë për të na dhënë një fuqi më të madhe për ta mbyllur me sukses krushqinë me BE.
Këtu nuk jemi për të marr votat për të formuar qeverinë. Ne votat për qeverinë i kemi pa fushatë fare ne 71 vota i marrim pa fushatë. Këtu jemi për të siguruar, për të bërë çmos që gjithkujt ti shkojë mesazhi se Shqipëria sot ka një fuqi që të jetë përtej partive”, tha Rama.
