Vula e PD-së iu dha Berishës, Alibeaj: Do respektoj pikë për pikë vendimin e Apelit!

Alibeaj dhe Basha

TIRANË- Ditën e sotme Gjykata e Apelit ka marrë vendimin në lidhje me vulën dhe logon e Partisë Demokratike. Në vendimin e marrë nga Apeli, vula dhe logoja e PD-së i kalojnë komisionit të Rithemelimit dhe kryetar ligjitim i PD-së është Sali Berisha.

Gjykata e Apelit vendosi mospranimin e ankimimimit të Enkelejd Alibeajt duke mos e quajtur atë palë në këtë proces. Në lidhje me këtë vendim deputeti Lulzim Basha ka mbledhur strukturat për të diskutuar vendimin e Apelit që i dha vulën dhe logon Sali Berishës.

Gjithashtu në lidhje me vendimin reagoi edhe deputeti, Enkelejd Aliebaj i cili tha se do të respektojë pikë për pikë vendimin e Gjykatës së Apelit, ndërsa Kreshnik Çollaku tha se është deputet i PD dhe i tillë do të mbetet.

Pyetje: Do respektoni vendimin e gjykatës?

Alibeaj: Pikë për pikë

Pyetje: A do shkoni aty ku është shumica?

Çollaku: Unë i qëndroj atyre që kam deklaruar. Sot ka një vendim të gjykatës që kemi detyrimin ta respektojmë, por se cfarë do bëjmë do dëgjojmë kolegët dhe do komunikojmë sërish. Do dëgjoj edhe kolegët dhe më pas do flasim.

Pyetje: Ju keni deklaruar që do respektoni vendimin e Apelit dhe do shkoni aty ku është PD

Çollaku: Unë jam deputet i PD dhe do mbeten deputet i PD. Vendimi është marrë, ne do ta respektojmë.

Pyetje: Jeni për një parti të re nëse propozon zoti Basha?

Çollaku: Të gjitha këto janë opsione që do ti diskutojmë

alibeaj vula e pd