Kristjan Asllani është rikthyer me Interin për fazën përgatitore në Gjermani, por e ardhmja e mesfushorit shqiptar te klubi zika...
POLITIKE
"Çyrykët thonë lloj lloj broçkullash, por BE e hap derën kur të jetë gati"/ Rama: Kjo derë e hapur mund të mbyllet dhe mund të mbetemi jashtë...
E.DPërditësimi i fundit 21 Prill 2025, 18:29
DURRËS- Kryeministri Edi Rama, gjatë takimit me gratë dhe vajzat në qytetin e Durrësit theksoi se anëtarësimi në Bashkimin Europian nuk varet vetëm nga vullneti i vendit aspirant, por edhe nga konsensusi i vendeve anëtare. Rama gjithashtu tha se çyrykët thonë lloj lloj broçkullash, por BE e hap derën kur të jetë gati.
“BE nuk të hap derën kur do ti, por kur ti je gati të hysh në atë shtëpi dhe kur ata që janë brenda janë gati të të fusin. Ka pasur raste kur Komisioni Evropian ka rekomanduar hapjen e negociatave, por disa vende anëtare kanë ndalur procesin për arsye të brendshme.
Janë ca që thonë ça bëhet me këtë Edi Ramën, si nuk i vjen turp. Ka tre mandate dhe më duhet i katërti thotë t’iu dërgoj në BE. Sipas tyre kjo është dicka për turp sepse përderisa nuk e bëmë për 3 mandate nuk e meritojmë të katërtin," tha Rama.
Duke iu përgjigjur atyre që e pyesin pse integrimi nuk u arrit gjatë tre mandateve të mëparshme, Rama solli si shembull vendet fqinje. Rama tha se Mali i Zi, Serbia, Maqedonia e Veriut i kanë hapur negociatat shumë më herët, por asnjë prej tyre nuk është sot në BE, ndërsa Shqipëria i hapi negociatat vetëm vitin e kaluar dhe ka një plan për mbylljen e tyre në vitin 2027.
“Mali i Zi, Serbia, Maqedonia e Veriut i kanë hapur negociatat shumë më herët, por asnjë prej tyre nuk është sot në BE. Shqipëria i hapi negociatat vetëm vitin e kaluar dhe ka tashmë një plan për mbylljen e tyre në vitin 2027.
Ata çyrykët do ju thonë lloj lloj brockullash, por e vërteta është se BE e hap derën kur është gati të hapë derën në bazë të konsensusit të 27 shteteve anëtare. Kjo derë e hapur mund të mbyllet dhe mund të mbetemi jashtë saj për nuk e di sesa vite. Asnjë nga ish-vendet komuniste nuk ka pasur negociata me BE më pak se 6-7-8 vjet. Ne kemi mundësinë t’i mbyllim për 3 vjet”, tha ai.
