Një tjetër eurodeputet i Parlamentit Europian ka reaguar i indinjuar ndaj dhunës së policisë me urdhër të kryeministrit...
POLITIKE
ZBARDHEN DEBATET NË KLP/ Anëtari pyet me ironi kryetaren: Do vazhdojmë me ekskursione apo do të...
PiranjatPërditësimi i fundit 4 Shtator 2025, 20:35
Kryetarja e Këshillit të Lartë të Prokurorisë, Mirela Bogdani është përfshirë sërish në debate me anëtarin Sokol Stojani në lidhje me buxhetin e institucionit. Stojani pyeti me ironi nëse do vijohet me ekskursione apo do bëhet punë, duke iu referuar deklaratave të seancës së kaluar se Këshilli po kthehej në një “KLP Travel”. Anëtari i KLP akuzoi kryetaren se po ndikonte te administrata për veprime në kundërshtim me ligjin.
Stojani: "Optika ime ishte nëse ne do të bëjmë ekskursione, apo do të bëjmë punë. Ekskursione quhen 15 copë dhe nja 3-4 vizita studimore nga 4-5 ditë, ta pret mendja”
Bogdani: “Nuk quhen ekskursione ato”.
Stojani: “Po ju shqetësoheni më shumë përse e mori media një informacion. Se pse mbledhja u regjistrua e plotë dhe u pasqyrua e plotë”.
Bogdani: “Jo, nuk jam shqetësuar, ishte informale”.
Stojani: “Është si gjykata. Nuk ishte informale, zonja kryetare. Këtë dua të them, sepse u bë me votat tona. Moj kryetare, unë nuk flas më me ty, se ti ke probleme në të kuptuar. Unë e kam me këtë. Fakti, fakti! A do të them një gjë. Ju nuk reflektuat”.
Në fund të seancës, Këshilli zgjodhi me short tre anëtarë që do të bëjnë rivlerësimin kalimtar të prokurorit Anton Pali.
