Zgjedhja e anëtarëve të KLGJ dhe KLP/ Bardhi kundër mazhorancës: Proces i deformuar, synoni kapjen e institucioneve

gazment bardhi

TIRANË- Kreu i Grupit Parlamentar të Partise Demokratike Gazment Bardhi, ka debatuar me mazhorancën, në nënkomisionin “Për përzgjedhjen e kandidatëve për anëtarë të Këshillit të Lartë Gjyqësorë dhe Këshillit të Lartë të Prokurorisë nga radhët e Avokatëve”.

Bardhi e ka cilësuar procesin e përzgjedhjes si të deformuar dhe me ndërhyrje të fortë politike. Ai tha se "e di e gjithë Tirana, qe Eris Hysi, është njeri i Agaçit dhe është piketuar për kryetarë e KLP”,

Bardhi: Keni deformuar procesin. Është ndërhyrë politikisht në proces nga Sekretari i Përgjithshëm i Kuvendit. Nuk mund të japim konsensus për një proces të deformur. Më thoni një rast kur keni dalë kundër raportit të Sekretarit  të Përgjithshëm. Asnjë rast, sepse ju e përdorni politikisht atë! Ne konsesusin e japim vetëm mbi kushtetutë. Në qoftë se ju keni përcaktuar kush do të jetë kryetar i KLGJ apo Kryetar i KLP, ky është problem i juaj dhe ndërhyrje e juaj. Ne jemi me Kushtetutën dhe s’mund të pranojmë këtë ndërhyrje. E di gjithë Tirana,  që njerëzit e Ëngjëll Agaçit janë piketuar për kryetar të KLP.

klp klgj gazment bardhi