Një zjarr në një sipërfaqe pyjore midis fshatrave Andon Poçi dhe Hundëkuq, është konstatuar këtë mbrë...
POLITIKE
Zgjedhjet e 11 Majit/ Berisha takim virtual me diasporën shqiptare: Të regjistrojmë çdo shqiptar! Të firmosim ndarjen nga e keqja
b.zPërditësimi i fundit 1 Mars 2025, 16:11
Sali Berisha
TIRANË - Kryetari i Partisë Demokratike, Sali Berisha ka zhvilluar këtë të shtunë një takim virtual me diasporën shqiptare. Gjatë fjalës së tij Berisha është ndalur te zgjedhjet e 11 Majit, ku është shprehur se kjo ditë është një ditë e rëndësishme për Shqipërinë.
Berisha deklaroi se ky regjim sipas tij ka goditur më rëndë materien e kombit shqiptar se çdo regjim tjetër, dhe se të gjithë shqiptarët duhet të mobilizohen për të votuar në 11 Maj që sipas tij ti japin fund të keqes, krimit dhe vjedhjes në Shëqipëri.
Pjesë nga fjala e Berishës:
Kënaqësi e jashtëzakonshme të komunikoj sot me ju, përfaqësues të komuniteteve shqiptare në 62 qytete të botës dhe të përulem me nderimin më të madh, mirënjohjen më të pakufishme para punës që ju keni bërë, në organizimin e mbi 150 takimeve të themi zyrtare dhe qindra e qindra të tjera informale, në një mision shumë të rëndësishëm, në një mision për të mundësuar qytetarëve shqiptarë jashtë vendit të ushtrojnë të drejtën kushtetuese të votimit në Shqipëri, në një mision do të thosha ndër më të rëndësishmit e jetës tuaj, për të kontribuar me votën tuaj në ndarjen e Shqipërisë, shpëtimin e saj me 11 maj nga narkodiktatura. Ky regjim, i cili në disa aspekte ka goditur më rëndë materien e kombit shqiptar se çdo regjim tjetër. Vetëm në 10 vite statistikat e BE-së tregojnë se nga Shqipëria në hapësirën Shengen, emigruan 1 milionë e 99 mijë shqiptarë, pa llogaritur këtu SHBA, Kanada e shtete të tjera që nuk përfshihen në hapësirën Shengen. Në 10 vite rreth 45% e shqiptarëve u larguan nga Shqipëria. Në rast se vazhdon ky trend, Shqipëria e vërteta është se demografikisht shkon drejt reduktimit dhe mbetet thjeshtë një nocion gjeografik. Në kohën kur ky vend, ju vetë e dini, pa pasuri përrallore, potenciale përrallore për secilin prej jush dhe gjithë shqiptarët që të ndërtojnë ëndërrën më të bukur të jetës në Shqipëri. Ndaj dhe thirrja ime është edhe këto 72 orë që kanë mbetur ta bëjmë natën ditë, të bëjmë çdo përpjekje për të regjistruar çdo shqiptar, shqiptare që njohim jashtë Shqipërisë në mënyrë që të firmosim në 11 maj ndarjen e Shqipërisë nga e keqja. Të përmbysim një diktaturë të dytë, narkodiktaturën e instaluar dhe të bazuar mbi drogën, krimin dhe vjedhjen e shqiptarëve. Të krijojmë mundësitë reale që djemtë dhe vajzat e Shqipërisë të ndërtojnë ëndrrën e tyre në Shqipëri.
