Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
POLITIKE
Zgjedhjet parlamentare e gjejnë në burg, Veliaj tregon kë mbështet më 11 Maj: Unë vetë do votoj PS-në!
b.zPërditësimi i fundit 9 Mars 2025, 21:38
Erion Veliaj
TIRANË - Kryetari i Bashkisë së Tiranës, Erion Veliaj i është përgjigjur nga burgu pyetjeve të emisionit Revieë në Euroneës Albania, teksa është ndalur edhe te zgjedhjet e 11 Majit.
Veliaj u shpreh se do të votonte Edi Ramën në zgjedhjet e 11 majit dhe do të bënte fushatë për këtë të fundit kudo që të ishte qoftë edhe nga burgu.
I pyetur se si do të ndikojë mungesa e tij në fushatën zgjedhore, Veliaj u shpreh i bindur për fitoren e Partisë Socialiste, ndërsa tha se mbështetësit e tij duhet të votojnë për kryeministrin Edi Rama.
Pyetje:Drejtues qarku për shumë vite, kryetar bashkie i zgjedhur 3 herë, figura më e rëndësishme e Partisë Socialiste në Tiranë; duke ditur punën dhe duke njohur mirë partinë, çfarë do të ndodhë në Tiranë në 11 maj dhe si do të ndikojë mungesa juaj?
Veliaj:Në 11 Maj Partia Socialiste do të fitojë bindshëm. Puna në Tiranë flet vetë: pyesni prindërit, që çojnë fëmijët në 45 shkolla të reja moderne, pyesni nënat që çojnë fëmijët në 110 kopshte dhe çerdhe europiane. Pyesni pensionistët dhe studentët që udhëtojnë falas me autobus. Kush më do vërtet dhe është trishtuar nga kjo padrejtësi, duhet të votojë Edin dhe PS, si e vetmja forcë që di dhe do drejtësinë, di ta krijojë sistemin modern, por edhe ta korrektojë kur del nga shinat.
Pyetje: Për kë do të votojnë mbështetësit tuaj? A do kontribojnë ata njësoj në zgjedhje fushate, si të ishit ju në kushte normale?
Veliaj: Unë vetë do votoj PS dhe Edin e do bëj fushatë kudo që të jem. Tirana është sot një qytet europian i transformuar si asnjë tjetër. Kush mbështeti Edin në vitet 2000-2011 dhe mua në 2015-2025, mbështet këtë vizion dhe padyshim do punojë për PS më shumë se kurrë më parë, për të plotësuar edhe mungesën time.
Pyetje: Çfarë do t’ju thonit socialistëve, 42% e të cilëve mendojnë se arrestimi juaj do të ketë efekt negativ në rezultatet e PS në zgjedhje?
Veliaj:Socialistëve do ju thoja “kokën lart e të jeni krenarë për punën tonë”! Pafajësinë time do ta provoj për vete, por edhe për të gjithë ata që zelli i ndërhyrjes brutalisht në fushatë iu ka dhënë iluzionin e fitores pa meritë! Ndaj, kurajo dhe përvishni mëngët për Edin dhe PS në fushatën më të bukur që kemi bërë ndonjëherë!
