Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
POLITIKE
Zgjedhjet për Bashkinë Tiranë/ Rama: Opozita do hyjë në garë e humbur, u ka rënë Diella në kokë
PiranjatPërditësimi i fundit 24 Shtator 2025, 18:16
Nga takimi me ministrat dhe deputetët e PS të qarkut Tiranë, kryeministri Edi Rama tha se duhet që të nis puna për zgjedhjet e pjesshme vendore. Ai tha se kandidatura e Ogerta Manastirliut ka mbështetjen e familjes socialiste.
Rama: Këshilli bashkiak shkarkoi dje për ti hapur rrugë zgjedhjeve të reja. Janë thënë dhe llomotitut shumë gjëra lidhur me këtë hap por s’ja vlen të merremi as me ata që i ka rënë Diella në kokë, as me ata që e quajnë diktaturë kur shumica parlamentare detyrohet të kalojë në votimin e programit pasi i ndalohet tja paraqisë programin Kuvendit me metodat famëkëqija të rrylave të fytit dhe brrylave në sallën e Kuvendit.
Dhe as ata që 3 herë rresht nuk e mundën dot Erionin me luftën e tyre patologjike, kandidaturat e tyre politike dhe me karrikaturat e tyre mediatike që sot fryjnë gjokset me sebepin e një letre anonime ndaj një kundërshtari të lidhur duar e këmbë.
Megjithatë gjyqi i tyre prej tellallesh prej të tezgave të pazarit mediatic e të pasqyrave të gjykatave sociale është një temë tjetër ashtu sikundër është temë tjetër çekuilibri i peshores së drejtësisë në rastin e kryetarit të bashkisë.
Ogerta ka mbështetje sa të madhe aq sa është krejt pa interes se kush do të jenë kandidati përballë saj, që do të hyjnë në garë të humbur dhe do të dalin nga gara edhe më të humbur. Shumica e qyterëve se kanë mendjen tek ndonjë rival i kandidates së PS por e kanë hallin tek problematikat që kërkojnë adresim në këtë bashki duke nisur nga uji i pijshëm që është kthyer në një problem është një problem i keqadministrimit.
