Gjykata Penale e Tiranës pritet të marrë në shqyrtim gjatë ditës së sotme 28 masa që lidhen me protestën e zhvill...
SHOWBIZ
Alarm për sigurinë e Cllevio Serbianos pas ekstradimit nga Dubai/ Avokati kërkon masa të rrepta mbrojtjeje në burg
PiranjatPërditësimi i fundit 11 Tetor 2025, 13:10
Reperi dhe influencuesi i njohur Clevio Serbiano është ekstraduar nga Dubai në Shqipëri, ku do të përballet me drejtësinë shqiptare pas një periudhe qëndrese jashtë vendit.
Avokati i tij, Ervin Karanxha, i ftuar në emisionin Breaking në Top News, ka folur për situatën aktuale të reperit dhe masat që duhet të merren për sigurinë e tij brenda ambienteve të paraburgimit.
Sipas avokatit, Cllevio përballet me rreziqe reale për jetën, për shkak të konflikteve të shumta që ka pasur me persona të ndryshëm, si brenda ashtu edhe jashtë botës së muzikës.
“Ai ndodhet aktualisht në ambientet e IEVP-së. Për shkak të kërcënimeve që ka ngritur për jetën e tij, duhet të merren masa të rrepta sigurie, përfshirë edhe kufizimin e ajrosjes në mënyrë që të shmangen incidentet e mundshme,” deklaroi Karanxha.
Avokati kërkoi nga autoritetet që të garantojnë mbrojtje maksimale për reperin, duke theksuar se çdo neglizhencë mund të ketë pasoja serioze.
Ekstradimi i Cllevios ka ndezur debate të shumta në rrjetet sociale, ku fansat e tij kërkojnë transparencë mbi arsyet e arrestimit dhe trajtimin që ai po merr në paraburgim.
Ndërkohë, pritet që në ditët në vijim të zhvillohet seanca e parë gjyqësore, ku do të shqyrtohet zyrtarisht masa e sigurisë ndaj reperit, i cili është një nga personazhet më të ndjekur dhe më kontraversë në rrjetet sociale shqiptare.
