Gjykata Themelore në Prishtinë ka dhënë vendimin për Xhelal Sveçlën lidhur me incidentin e vitit 2018, kur në Kuvend...
SHOWBIZ
Blerta Celibashi flet për raportin me Elia Zaharinë: “Nuk kemi qenë kurrë shoqe”
PiranjatPërditësimi i fundit 26 Shtator 2025, 14:27
Blerta Celibashi dhe princ Leka ishin të ftuarit e parë që hapën sezonin e ri të emisionit “Mirëmbrëma Yje” me Arbana Osmanin. Çifti tregoi historinë e tyre, ndërsa Blerta u ndal veçanërisht tek thashethemet e shumta për marrëdhënien e saj me princin dhe raportin me ish-bashkëshorten e tij, Elia Zaharinë.
Blerta pranoi se për të ka qenë sfiduese të përballonte gjithë situatën dhe zërat që e përfshinë në një "telenovelë" mediatike. "Ka qenë e vështirë të menaxhoj aspektin psikologjik. Ishte shumë e rëndë për mua të isha pjesë e një telenovele ku nuk e gjeja aspak veten në rolin që më kishin vendosur. Ndihem e prekur dhe e indinjuar me të gjitha shkrimet e pavërteta. Ka qenë shumë e vështirë! Aktualisht jemi në një moment paqeje, por sërish ndiej ngarkesë të madhe kur flas për atë kohë," u shpreh ajo.
Lidhur me marrëdhënien me Elian, Blerta theksoi se nuk kanë qenë kurrë shoqe, ndryshe nga sa është raportuar në media. "Në mënyrë kategorike nuk kam qenë asnjëherë shoqe me Elian. E di që ky është një nga elementët që e bën historinë më interesante, por është shumë abuzive që janë thënë gjëra të pavërteta. Kjo është e vërteta ime."
Ajo shtoi se marrëdhëniet e tyre kanë qenë vetëm profesionale, si pjesë e punës së saj si fotografe."Kemi pasur një marrëdhënie strikte profesionale. Unë kam shumë klientë dhe jo me të gjithë mund të jem shoqe. Fotot kanë qenë pjesë e punës dhe marrëdhëniet gjithmonë korrekte, formale. Asnjëherë nuk kam menduar se mund të ngrihej një fabul e tillë."
