Ish-ministri i Jashtëm, Ditmir Bushati ka reaguar për herë të parë në lidhje me protestat masive të të rinjve dhe qyteta...
SHOWBIZ
“Bota është më e errët pa ty” / Motra e modeles Sahara Ray ndan mesazhin prekës pas humbjes së saj në moshën 34-vjeçare
PiranjatPërditësimi i fundit 20 Tetor 2026, 19:25
Motra e vogël e modeles dhe sipërmarrëses Sahara Ray, e cila ndërroi jetë në moshën 34-vjeçare, ka ndarë një mesazh prekës në rrjetet sociale, duke shprehur dhimbjen e madhe për humbjen e saj.
Ruby Ray publikoi disa fotografi me motrën e saj të ndjerë, duke e përshkruar Saharën si një person plot jetë, inteligjente, të dashur dhe me një shpirt të jashtëzakonshëm.
Ajo tha se bota tashmë i duket shumë më e errët pa praninë e saj.
“Është mizore ta duash dikë kaq shumë dhe më pas të mos dish ku ta çosh gjithë atë dashuri”, shkroi Ruby, duke shtuar se nuk ekzistojnë fjalë që mund ta përshkruajnë dhimbjen që po përjeton.
Sahara ishte vajza e sërfistit profesionist Tony Ray. Ajo u lind në Australi dhe u rrit në Kaliforni, ku krijoi markën e saj të rrobave të banjës, Sahara Ray Swim.
Emri i saj tërhoqi vëmendjen e mediave edhe në vitin 2016, kur u përfol për një lidhje me këngëtarin Justin Bieber.
Në vitin 2024, modelja kishte bërë të ditur se ishte diagnostikuar me sindromën Guillain-Barre, një çrregullim i rrallë neurologjik, e më vonë kishte treguar se simptomat po fillonin të zbuteshin.
Në fillim të këtij viti, Sahara u bë nënë për herë të parë, duke sjellë në jetë vajzën e saj, Snow.
