Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
SHOWBIZ
Diddy dënohet me 4 vite e 2 muaj burg pas akuzave për shfrytëzim prostitucioni
PiranjatPërditësimi i fundit 4 Tetor 2025, 13:39
Reperi dhe producenti amerikan Sean “Diddy” Combs është dënuar me katër vjet e dy muaj burg dhe një gjobë prej 500 mijë dollarësh, pas shpalljes fajtor për dy akuza federale që lidhen me transportimin e personave për qëllime prostitucioni.
Vendimi u dha të premten nga gjykatësi federal Arun Subramanian në New York, pas një procesi që zgjati me muaj dhe tërhoqi vëmendje të gjerë mediatike. Diddy, 55 vjeç, do të kreditohet për kohën që ka kaluar në paraburgim që nga shtatori 2024, në Qendrën Metropolitane të Brooklyn.
Trupi gjykues e shpalli të pafajshëm për akuzat më të rënda, si trafikim seksual dhe komplot kriminal, por e fajësoi për transportim me qëllim prostitucioni akuza që mund të sillnin deri në 10 vite burg secila.
Para shpalljes së vendimit, Diddy mbajti një deklaratë emocionale, ku kërkoi falje ndaj ish-partnereve dhe familjes:
“Jam vërtet i penduar. Dua të jem shembull i një njeriu që përmirësohet, jo shkatërron.”
Në sallë ishin të pranishëm gjashtë fëmijët e tij, familjarë dhe avokatët që kërkuan një dënim më të lehtë prej 14 muajsh, duke argumentuar se ai ka treguar pendesë dhe është në proces rehabilitimi.
Prokurorët kërkuan mbi 11 vjet burg, duke e përshkruar Diddy-n si një “abuzues të pandreqshëm” me “një histori të gjatë dhune dhe manipulimi”.
Gjatë gjyqit, dëshmuan mbi 30 persona, përfshirë ish-të dashurat e tij Cassie Ventura dhe një grua me pseudonimin “Jane”, të cilat përshkruan skena të “festa seksuale të detyruara” dhe dhunë fizike e psikologjike.
Në një deklaratë të dërguar gjykatës, Cassie Ventura kërkoi dënim të rreptë:
“Ai duhet të mbajë përgjegjësi për atë që më bëri mua dhe shumë grave të tjera.”
Në dhënien e vendimit, gjykatësi Subramanian tha se Diddy “abuzoi me pushtetin dhe gratë që pretendonte se i donte” dhe se ky dënim duhej të ishte “një mesazh i qartë për të gjithë”.
Përveç dënimit penal, Diddy përballet me mbi 50 padi civile për abuzim dhe sjellje të papërshtatshme të gjitha të mohuara prej tij.
