Pamjet që shikoni në videon e mëposhtme janë nga situata kritike në Himarë, ku një zjarr i përmasave të mëdha ...
SHOWBIZ
E kam parë edhe në ëndërr, gjyshi më shprehte se do të bëja djalë/ Ish-banorja e BB Genta Gjalpi tregon mbi shtatëzaninë
PiranjatPërditësimi i fundit 17 Shtator 2025, 18:39
Genta Gjalpi është një nga blogeret më të njohura, e cila ka krijuar një lidhje të fortë me ndjekësit e saj për shkak të opinioneve pa filtra që ndan. Ajo është herë pas here pjesë e paneleve të programeve për tema të ndryshme, por kësaj radhe sjell një fazë e re dhe përmbushëse e jetës: shtatzënia.
Genta Gjalpi: Fillova të dyshoj, e dija që kjo ditë do të vinte, isha koshiente që doja të bëja një beb, por prapë ai momenti kur e merr vesh të duket si e papritur, sikur çdo gjë ndryshon në atë moment dhe nuk e di, nuk e besoja. Duhet të bëja testin e dytë që ta besoja që isha vërtet shtatzënë dhe pastaj thashë okej, tani nisi. Ia kam thënë direkt burrit, sa e mora vesh.
Rudina Magjistari: Më trego pak, shkove ta blije testin e shtatzënisë në farmaci?
Genta Gjalpi: Jo, i thashë atij. Ai e kuptoi ndoshta pak më mirë se unë që kisha ca luhatje. Kur gatuaja, nuk i ndieja aromat si gjithmonë, kisha të përziera, më tha bëje një test, jo i thashë se do ta kuptoja, bëje një test, më bleu dy. Unë bëra testin e parë, nuk ishte mirë dhe nuk më doli. Thashë nuk po pres deri në mëngjes, po bëj të dytin, e bëra dhe harrova që e kisha lënë. Kur shkoj në tualet përsëri dhe shoh dy viza, nuk po u besoja syve. Unë e kisha gjithmonë në mendje që do t’i thoja Arbrit kur ta merrja përgjigjen, do t’i bëja diçka të bukur, në një kuti. Të besohet, nuk prita dot fare, i thashë hajde shihe se nuk po e besoj dhe ishte një moment shumë i bukur.
Genta, e cila është në pritje të një djali, shton se dëshironte shumë që fëmija i parë të ishte vajzë. Ajo kujton edhe emocionet e momentit kur bëri ekon e parë.
Genta Gjalpi: Ekon e parë e kam kaluar në spital se pata një problem të vogël, kur kam dëgjuar ato rrahjet e para jam emocionuar shumë dhe aty e kuptova vërtet që tani jam shtatzënë.
Së fundmi, Genta ka humbur edhe gjyshërit, me të cilët ka pasur një lidhje shumë të veçantë. Ajo ka ndarë video ku kujdesej për gjyshin e ndjerë duke i krehur flokët apo gjyshja që merrej me shtëpinë. Pavarësisht largimit të tyre nga jeta, ajo është e bindur se ka dy engjëj mbrojtës në krah.
Genta Gjalpi: Vitin e fundit që kam qenë non stop me gjyshen se ishte vetëm, më vjen keq që nuk arriti të më shihte, por jam shumë e sigurt që ka të bëjë dora dhe bekimi i saj.
Gjyshja nuk arriti ta shihte mbesën me bashkëshortin në krah apo shtatzënë, por Genta thotë se i ka parë në ëndërr kur ende nuk e dinte për shtatzëninë, si një mesazh i bukur nga përtej.
Genta Gjalpi: E kam parë edhe në ëndërr. I thoshte gjyshi, isha duke bërë punë me gjyshin, i thoshte “lëre Gentën se Genta do të bëjë djalin”, ndërkohë që unë nuk isha as shtatzënë, nuk e dija akoma, duhet të kem qenë disa javëshe. Vonë u kujtova, thashë diçka ka pasur këtu. Më dilnin shumë në ëndërr, tre muajt e parë pothuajse çdo natë.
