Ashtu siç pritej, me të mbërritur te kryeministria, ka nisur përplasja mes policisë dhe protestuesve.
Kanë qenë kë...
SHOWBIZ
G-Bani shpërthen për Noizy, MC Kreshën dhe Getoar Selimin: “I pabesë dhe i mbivlerësuar”
PiranjatPërditësimi i fundit 10 Nëntor 2025, 14:19
Reperi i njohur G-Bani ka surprizuar publikun me deklarata të forta për disa prej artistëve më të njohur shqiptarë. Ai ishte i ftuar në emisionin “Më prit të dielën”, ku sqaroi edhe arsyet e tërheqjes së tij nga “Kënga Magjike”, pas aludimeve se vendimi ishte për tërheqje vëmendjeje.
“Jo, jo, jo. Unë i prisha punë vetes me atë largim. Mërzita njerëz që i kisha bashkëpunëtorë. U nxitova? Ndoshta. Ta kishin menduar më mirë promon, sepse unë dilja shumë pak. Dua të ndjej energjinë e mirë, ta kishin bërë siç duhej”, – tha G-Bani me sinqeritet.
Në një moment të pjesës më surprizuese të intervistës, G-Bani iu përgjigj një skenari imagjinar të krijuar nga inteligjenca artificiale, ku ai ndodhej në ashensor me disa figura të njohura të hip hop-it shqiptar. Për Noizyn, reperi nuk kurseu fjalët:
“Është i pabesë. Do më kishte gjuajtur i pari, edhe unë për t’u mbrojtur. Nuk e di kush do fitonte, ndoshta ai se është më i stërvitur… por është i pabesë.”
Për MC Kreshën, G-Bani dha një koment kritik:
“Është artist i mbivlerësuar. Duhet ta kuptojë që nuk është më i miri në estradë.”
Ndërsa për Getoar Selimin, reperi tha shkurt e prerë:
“Është djalë i keq, shumë i keq.”
Deklaratat e tij kanë shkaktuar debat mes fansave, duke ndezur diskutime të forta në rrjetet sociale mbi marrëdhëniet mes artistëve të skenës shqiptare të hip hop-it.
