Kryetari i Partisë Demokratike Sali Berisha, ka sjellë në vëmendje një deklaratë të eurodeputetit Tomáš Zdech...
SHOWBIZ
George Clooney dhe Adam Sandler, moment gazmor në premierën e “Jay Kelly”
PiranjatPërditësimi i fundit 24 Tetor 2025, 15:48
George Clooney tregoi anën e tij të humorit gjatë premierës së filmit “Jay Kelly” në Kaliforni, duke vendosur me shaka dorën mbi të pasmet e bashkë-yllit të tij, Adam Sandler. Aktori 64-vjeçar u shfaq në tapetin e kuq krah Sandler-it, 59 vjeç, dhe aktores Riley Keough.
Clooney zgjodhi një kostum gri elegant me këmishë të zezë, ndërsa Sandler preferoi një kostum blu të errët me këmishë të zezë dhe atlete, duke i dhënë pamjes një prekje casual. Riley Keough, 36 vjeçe, mahniti me një fustan të zi të shkurtër pa rripa dhe një xhaketë sateni.
Bashkëshortja e Adam Sandler, Jackie, e mbështeti në premierë me një fustan të zi me dantella, ndërsa mungesa e bashkëshortes së Clooney-t, Amal, u vu re nga mediet.
Filmi, i drejtuar nga Noah Baumbach dhe bashkëshkruar me Emily Mortimer, ndjek historinë e dy miqve që përballen me realitetin e rritjes gjatë një fundjave të mbushur me ngjarje, duke reflektuar mbi karrierën dhe jetën personale. Clooney luan rolin e Jay Kelly, një aktor që sfidon vetveten për të kuptuar sa e vështirë është të jesh vetvetja.
Në një intervistë për Variety, Clooney komentoi për kritikët që e akuzojnë për mungesë shumëllojshmërie në role:
“A thonë njerëzit se unë luaj vetëm veten time? Nuk më intereson fare. A e ke provuar ndonjëherë të luash veten? Është e vështirë për ta bërë.”
Ai gjithashtu kujtoi fillimet e tij në karrierë, duke theksuar se suksesin e vërtetë e njohu pas moshës 33-vjeçare me serialin “ER”, duke kuptuar se fama është kalimtare dhe nuk lidhet gjithmonë me identitetin e një njeriu.
