Gazeta franceze Le Figaro i ka kushtuar një artikull protestave të zhvilluara në Tiranë kundër qeverisë Rama, duke e vën&eu...
SHOWBIZ
Grammy 2026: Shpallen nominimet, emra të mëdhenj dhe kategori të reja në garë
PiranjatPërditësimi i fundit 8 Nëntor 2025, 12:47
Nominimet për çmimet prestigjioze muzikore Grammy 2026 janë shpallur, duke vënë përballë emra të njohur të industrisë si Lady Gaga, Sabrina Carpenter dhe Justin Bieber. Sipas faqes zyrtare të organizatorëve, ata konkurrojnë, ndër të tjera, në kategorinë Albumi më i Mirë Pop, ku janë përfshirë edhe Miley Cyrus dhe Teddy Swims.
Në kategorinë Artistja më e Mirë e Re, garojnë artistet Olivia Dean, Lola Young dhe Role Model, të cilët kanë spikatur me projektet e tyre përgjatë vitit. Ndërkohë, në kategorinë Albumi më i Mirë Rock, të nominuar janë “Private Music” i Deftones, “From Zero” i Linkin Park, “Never Enough” i Turnstile dhe “Idols” i Yungblud.
Kategoria e Albumit më të Mirë Rep sjell emra të fuqishëm si “Let God Sort Em Out” nga Clipse, Pusha T & Malice, “Glorious” nga GloRila, “God Does Like Ugly” nga Jido dhe “GNX” i Kendrick Lamar.
Mes prurjeve më të rëndësishme është edhe rikthimi i Billie Eilish, e cila synon të fitojë Grammy-n e parë që prej vitit 2024. Kënga e saj “Wildflower”, nga albumi “Hit Me Hard and Soft”, u publikua si single këtë vit, duke e bërë atë të pranueshme për garën e Albumit të Vitit dhe Këngës së Vitit në edicionin e 2026-s.
Këtë vit, grupi Turnstile spikat për shumëllojshmërinë e zhanreve, duke marrë nominime në rock, metal dhe alternative falë albumit “Never Enough”. Ndërkohë, edicioni i sivjetshëm sjell edhe dy kategori të reja: Albumi më i Mirë Tradicional Country dhe Kopertina më e Mirë e Albumit, të cilat synojnë të nderojnë një gamë më të gjerë krijuesish. Drejtori Ekzekutiv i Akademisë, Harvey Mason Jr., u shpreh se ndryshimet synojnë njohjen e kontribuuesve të shumtë pas krijimeve muzikore.
Ceremonia e ndarjes së çmimeve Grammy 2026 do të zhvillohet të dielën, më 1 shkurt 2026, në Crypto.com Arena në Los Angeles.
