Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SHOWBIZ
Kim Kardashian dhe Kris Jenner padisin Ray J për shpifje, ja rastet e pretenduara
PiranjatPërditësimi i fundit 2 Tetor 2025, 10:09
Kim Kardashian dhe e ëma e saj, Kris Jenner, kanë ngritur një padi për shpifje kundër ish-partnerit të Kim-it, reperit dhe sipërmarrësit Ray J. Padia u dorëzua më 1 tetor, pas akuzave të bëra nga Ray J, i cili pretendoi se ndaj familjes Kardashian ishte duke u zhvilluar një hetim federal për reket. Ky është rasti i parë që Kim dhe Kris kanë ndërmarrë hapa ligjorë për të mbrojtur emrin dhe reputacionin e tyre.
Avokati i çiftit, Alex Spiro, konfirmoi dorëzimin e padisë, duke theksuar se ky veprim erdhi si pasojë e akuzave të pabazuara dhe të rënda të Ray J. "Kris Jenner dhe Kim Kardashian nuk kanë kërkuar kurrë mbështetje ligjore për shpifje dhe zakonisht nuk shqetësohen nga thashethemet. Por, kjo akuzë e rreme dhe e rëndë nuk i la asnjë mundësi tjetër përveçse të kërkonin drejtësi," tha ai.
Në dokumentet ligjore, padia përfshin dy raste konkrete të shpifjeve të pretenduara nga Ray J. I pari ndodhi gjatë dokumentarit United States vs. Sean Combs nga TMZ, ku Ray J u shpreh: "Nëse do të më thonin se Kardashianët janë të akuzuar për reket, ndoshta do ta besoja." I dyti, ndodhi më 24 shtator, kur Ray J, gjatë një transmetimi live në rrjetet sociale para miliona ndjekësve, pretendoi se kundër familjes Kardashian ishte hapur një hetim federal.
Avokati Spiro i quajti këto deklarata si "sjellje shpifëse nga më të këqijat", duke theksuar se asnjë agjenci ligjzbatuese nuk ka hapur hetime për reket kundër Kim Kardashian ose Kris Jenner, dhe nuk ekziston asnjë provë që mbështet këto akuzat. Në dokumentet ligjore, ai gjithashtu theksoi se Ray J ka zhvilluar për një periudhë më shumë se dy dekadash një “fushatë të vazhdueshme ngacmimi dhe shpifjeje” kundër Kim dhe Kris, duke përpjekur të lidhë emrat e tyre me incidente të pavërteta për të shfrytëzuar famën e tyre për përfitime personale.
Kjo nuk është hera e parë që Ray J dhe Kim Kardashian janë përfshirë në polemika publike. Dyshja pati një marrëdhënie të stuhishme, që përfundoi në vitin 2005, dhe vetëm dy vite më vonë, videoja e tyre intime, e xhiruar gjatë kohës që ishin në lidhje, u bë publike, duke e shënuar përgjithmonë emrin e Kim në mediat botërore. Kënga "I Hit It First" e Ray J, e publikuar në 2013, gjithashtu i referohej marrëdhënies së tij me Kim, ku ai përdori një foto të saj të pikselizuar në kopertinën e këngës.
Në vitin 2018, Ray J u përfshi përsëri në një konflikt me Kim-in, pas një deklarate të tij në Londër që përshkruante detaje intime të marrëdhënies së tyre. Kim e quajti atë "gënjeshtar patologjik" në Twitter, ndërsa Ray J e mohoi këtë informacion, duke thënë në Instagram: "Këto janë thashetheme të rreme dhe të panevojshme! Familja ime është gjithçka që ka rëndësi. Ray J i vjetër ka vdekur. Unë jam një njeri i ri, me përgjegjësi dhe vlera morale."
Padia e re ndaj Ray J vjen pas një serie akuzash që Kim dhe Kris janë duke u përpjekur të mbrojnë integritetin dhe reputacionin e tyre publik, duke kërkuar që drejtësia të merret për shpifjet që ata pretendojnë se janë bërë ndaj tyre.
