Në fund të vitit 2025, numri i mjeteve rrugore të regjistruara (me status aktiv ose të çregjistruara përkohësisht) arriti n...
SHOWBIZ
Miss Mexico kurorëzohet Miss Universe!
PiranjatPërditësimi i fundit 21 Nëntor 2025, 11:33
Fatima Bosch nga Meksika u shpall fituese në finalen e madhe të edicionit të 74-të të “Miss Universe”, të mbajtur të premten në Bangkok të Tajlandës, pavarësisht javëve të tëra polemikash që e kanë shoqëruar konkursin.
25-vjeçarja nga Tabasco u kurorëzua nga fituesja e vitit të kaluar, Victoria Kjær Theilvig nga Danimarka.
Vendin e dytë e zuri përfaqësuesja e Tajlandës, Praveenar Singh, e ndjekur nga venezuelianja Stephany Abasali, filipinasja Ahtisa Manalo dhe Olivia Yacé nga Bregu i Fildishtë që plotësoi pesëshen më të mirë.Këtë vit morën pjesë përfaqësuese nga 120 shtete, mes tyre edhe Nadeen Ayoub, e para grua që përfaqëson popullin palestinez në këtë ngjarje, e cila arriti deri në top 30.
Ceremonia, e prezantuar nga komediani amerikan Steve Byrne, u hap me një performancë të këngëtarit tajlandez Jeff Satur. Bosch u pyet se si do ta përdorte titullin “Miss Universe” për të bërë botën një vend më të sigurt për gratë. Ajo u përgjigj:
“Si grua dhe si Miss Universe, do ta përdor zërin dhe fuqinë time në shërbim të të tjerëve, sepse ne jemi këtu për të folur, për të sjellë ndryshimin dhe për të bërë histori.”
Gara e këtij viti nisi më 5 nëntor, me ceremoninë e sashave.
Më herët këtë muaj, konkursi u përball me një bojkot masiv nga disa konkurente, pas një përplasjeje të përfolur shumë në media, ku drejtuesi tajlandez i eventeve, Nawat Itsaragrisil, sulmoi Bosch-in gjatë një eventi paraprak, duke e kritikuar se nuk kishte publikuar mjaftueshëm përmbajtje promocionale.
Në pamjet e publikuara, Bosch i kundërvihet duke i thënë se ai “nuk po më respekton si grua”, çka e shtyu Nawat-in të kërkonte që sigurimi ta largonte atë nga salla. Disa konkurrente, përfshirë edhe fituesen në detyrë Victoria Kjær Theilvig, u larguan nga eventi në shenjë solidariteti.
Presidenti i organizatës Miss Universe, Raul Rocha Cantu, publikoi një deklaratë ku theksoi se nuk do të lejonte që “vlerat e respektit dhe dinjitetit të grave të shkelen”. Nawat më vonë kërkoi falje në rrjetet sociale për “këndo që është ndier keq, i pakëndshëm apo i prekur” nga sjellja e tij.
Nga ana tjetër, dy anëtarë të jurisë dhanë dorëheqjen vetëm disa orë para finales.
Të mërkurën, Miss Jamaica, Gabrielle Henry, u dërgua me barrelë pasi pësoi një rrëzim gjatë prezantimit me fustan mbrëmjeje në fazën paraprake të konkursit. Në videon që qarkulloi online, ajo shihet duke pozuar në buzë të skenës me një fustan portokalli dhe taka të larta, kur humbet ekuilibrin dhe bie poshtë skenës. Publiku dëgjohet i tronditur, ndërsa njerëzit e stafit i vijnë menjëherë në ndihmë.
Organizata Miss Universe Jamaica njoftoi se “ajo nuk ka pësuar lëndime që rrezikojnë jetën”. Ndërkohë, Rocha shkroi në Instagram se kishte vizituar Henry-n në spital dhe konfirmoi se “fatmirësisht nuk ka fraktura dhe po merr trajtim të mirë”
