Një protestues i pranishëm para Ministrisë së Arsimit ka ironizuar efektivët e policisë për sjelljen e tyre gjatë protes...
SHOWBIZ
Një fasadë? - Princesha norvegjeze dhe partneri i saj, u japin fund spekulimeve për orientimin e tyre seksual
PiranjatPërditësimi i fundit 9 Tetor 2025, 15:56
Princesha e Norvegjisë, Märtha Louise, dhe bashkëshorti i saj, Durek Verrett, kanë reaguar ndaj spekulimeve që kanë qarkulluar rreth martesës së tyre, duke hedhur poshtë pretendimet se ata ndodhen në një "martesë lavande". Çifti, që u martua në gusht të vitit 2024, ka vendosur të përgjigjet në mënyrë të drejtpërdrejtë ndaj thashethemeve, duke shpërndarë një video në Instagram për të shpjeguar situatën.
Në një video të publikuar të hënën, çifti shfaqet duke u përgjigjur me habi ndaj pyetjes: “Çfarë është një martesë lavande?”, një term që përdoret për të përshkruar një bashkim martesor të cilin disa e lidhin me përpjekjen për të fshehur orientimin seksual të njërit apo të dy partnerëve. Pas kësaj pyetjeje, ata shfaqen të veshur me ngjyra të lavandës, ndërsa kalojnë në ekran disa komente negative nga ndjekësit.
Një koment thoshte: “Amvisa e vërtetë norvegjeze dhe martesa e saj lavande”, ndërsa një tjetër e etiketonte Princeshën si “në një martesë lavande”. Për të mbyllur videon, çifti refuzon akuzat, me Durek që ngrit bashkëshorten në një lëvizje vallëzimi, duke e shikuar me dashuri. “Zakonisht nuk merremi me këto. Ne thjesht duam,” ishte mbishkrimi i videos.
Në përshkrimin e videos, Durek e thekson më tej mesazhin duke shkruar: “Menduat se ishte lavandë? Befasi. Është vetëm dashuri dhe trashëgimi.” Durek, i cili është deklaruar biseksual, ka një histori të mëparshme martesorje, duke u martuar me Zanet Marzalkovën nga 2005 deri në 2009 dhe i fejuar me Hank Greenberg nga 2007 deri në 2015.
Një nga momentet më interesante të dokumentarit të Netflix-it, "Rebel Royal Couple: An Incredible Love Story", ishte rrëfimi i Durek mbi marrëdhënien e tij me vajzat e Princeshës Märtha Louise, Maud (22), Leah (20) dhe Emma (17), që janë fëmijët e saj nga martesa e mëparshme me Ari Behn, të ndjerin. Ai tha se vajzat e kishin njohur si “mikun e saj më të mirë gay” dhe se ky hap kishte ndihmuar në pranimin e tij nga ato.
Ndërkohë, Märtha Louise nuk e ka fshehur dashurinë për partnerin e saj. Ajo ka thënë në një intervistë të përbashkët: “Të jesh e martuar është një ndjenjë e jashtëzakonshme, sidomos kur je e martuar me dashurinë e jetës tënde. Është e pabesueshme të jesh e martuar me një njeri që të do siç më do ai.”
Edhe pse dyshimet e publikut vazhdojnë për lidhjen e tyre, çifti ka bërë të qartë se ndjenja e tyre është e vërtetë dhe e sinqertë, duke e injoruar thashethemet dhe duke treguar se ata janë të lumtur dhe të dashuruar.
