Një tjetër grup studentësh, ata të Mjekësisë, i janë bashkuar turmës së protestuesve të mbledhur para Kryemini...
SHOWBIZ
Noizy del hapur në mbështetje të Ramiz Lladrovcit fansat e quajnë “goditje” ndaj Don Xhonit
PiranjatPërditësimi i fundit 10 Tetor 2025, 13:21
Rrjetet sociale janë ndezur pas postimit të fundit të reperit Noizy, i cili ka ndarë një ftesë publike për një aktivitet në Drenas, ku do të marrë pjesë në përmbylljen e fushatës së Ramiz Lladrovcit, kryetarit aktual të komunës.
Në postim, Noizy e ka quajtur Lladrovcin “7 herë kampion i Kosovës” dhe ka paralajmëruar pjesëmarrjen e tij në eventin përmbyllës, duke thënë se do të flasë “me gjuhën e kampionit”.
Ajo që ka tërhequr më shumë vëmendje është fakti se ky qëndrim publik vjen në një kohë kur marrëdhëniet mes Ramiz Lladrovcit dhe reperit Don Xhoni janë prishur. Kujtojmë se Lladrovci kishte deklaruar më herët se përçarja me Don Xhonin ndodhi për shkak të një mosmarrëveshjeje për një ndërtim në zonë.
Nga ana tjetër, rivaliteti mes Noizy-t dhe Don Xhonit është i njohur në botën e muzikës, dhe ky veprim i fundit po shihet nga ndjekësit si një “goditje e drejtpërdrejtë” ndaj reperit tjetër.
Në rrjete po qarkullojnë qindra komente, ku disa e konsiderojnë këtë një lëvizje strategjike nga Noizy, ndërsa të tjerë e quajnë provokim të qëllimshëm. Një gjë është e sigurt gara mes dy artistëve për dominim në hip-hop-in shqiptar sapo mori një dimension të ri.
