Një banor nga fshati Lin i Pogradecit ka denoncuar në redaksinë e “PiranjaNews”, gjendjen e degraduar të rrugës në q...
SHOWBIZ
Prag lufte? Tre avionë luftarakë rusë shkelin hapësirën ajrore të Estonisë për 12 minuta
PiranjatPërditësimi i fundit 19 Shtator 2025, 16:49
Tre avionë luftarakë rusë të tipit Mig-31, shkelën të premten hapësirën ajrore të Estonisë, sipas një deklarate zyrtare të qeverisë estoneze. Sipas autoriteteve, avionët qëndruan në hapësirën ajrore estoneze për 12 minuta, në një incident që ndodhi në orët e para të mëngjesit, pranë ishullit të vogël Väike Vainõ, në mes të Gjirit të Finlandës, siç tregohet nga hartat zyrtare.
Ky incident vjen vetëm 10 ditë pas një tjetër shkeljeje të ngjashme, kur dronë rusë u futën në hapësirën ajrore të Polonisë. Po ashtu, javën e kaluar, një tjetër dron rus u përfshi në një incident me hapësirën ajrore të Rumanisë, duke fluturuar për një kohë të gjatë brenda saj, pavarësisht përpjekjeve për ta ndërprerë me avionë luftarakë.
Pas ngjarjes së fundit, Ministria e Jashtme e Estonisë thirri të ngarkuarin me punë të Rusisë në Talin, për t’i dorëzuar një notë proteste diplomatike lidhur me këtë shkelje.
“Rusia e ka shkelur hapësirën ajrore të Estonisë katër herë këtë vit, dhe kjo është e papranueshme. Por sot, kemi të bëjmë me një shkelje të paprecedentë, ku tre avionë luftarakë hynë në territorin tonë ajror,” deklaroi Ministri i Jashtëm estonez, Margus Tsahkna.
Ai shtoi se: “Përpjekjet në rritje të Rusisë për të testuar kufijtë dhe agresiviteti i saj në rritje duhet të marrin përgjigje me përshkallëzim të menjëhershëm të presionit politik dhe ekonomik.”
