Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
SHOWBIZ
Prindërit vendosën ta mbanin larg mbiemrit, rrëfehet për here të pare vajza vogël e Bill Gates
PiranjatPërditësimi i fundit 30 Shtator 2025, 11:41
Phoebe Gates, vajza më e vogël e bashkëthemeluesit të “Microsoft”-it, Bill Gates, ka zbuluar së fundmi arsyen pse prindërit e saj zgjodhën që ajo të mos përdorte mbiemrin e njohur të familjes gjatë fëmijërisë.
E ftuar në podcastin “The Burnouts”, të cilin e drejton së bashku me shoqen e saj të dhomës në Universitetin e Stanfordit, Sophia Kianni, Phoebe rrëfeu se deri në shkollën e mesme ajo e përdorte mbiemrin e vajzërisë së nënës së saj, French, për të mos tërhequr vëmendje të padëshiruar për shkak të pasurisë dhe famës së të atit.
“Prindërit e mi ishin shumë të vendosur që ne të mos përdornim mbiemrin Gates derisa të rriteshim. Donin të kishim një fëmijëri sa më normale”, tha 22-vjeçarja. Ajo shtoi se kjo zgjedhje e ndihmoi të krijonte marrëdhënie më të sinqerta me bashkëmoshatarët dhe të rritej pa paragjykime.
Bill Gates dhe ish-bashkëshortja e tij, Melinda French Gates, janë përpjekur që fëmijët e tyre, Jennifer, Rory dhe Phoebe, të kenë një jetë sa më të thjeshtë, pavarësisht prejardhjes. Miliarderi është shprehur në intervista të mëparshme se secili prej tyre do të trashëgojë më pak se 1% të pasurisë së tij, e cila vlerësohet rreth 101 miliardë dollarë.
“Fëmijët e mi kanë marrë një edukim të shkëlqyer, por nuk do t’u bënte mirë nëse do t’u lija të gjithë pasurinë. Nuk është një dinasti. Nuk po u kërkoj atyre të drejtojnë Microsoft-in”, ka thënë ai.
Megjithatë, edhe një përqindje e vogël e kësaj pasurie mbetet një shifër marramendëse, mbi një miliard dollar, që siguron një të ardhme të qëndrueshme për fëmijët e Gates, pavarësisht zgjedhjes së tyre për të ndërtuar jetën larg emrit të njohur të familjes.
