Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
SHOWBIZ
Reperi Majk flet hapur për përdorimin e drogës: Koha ka ndryshuar për keq
PiranjatPërditësimi i fundit 6 Tetor 2025, 10:49
Reperi i njohur Majk ka rikthyer vëmendjen te një nga temat më të ndjeshme të shoqërisë përmes një postimi të drejtpërdrejtë në platformën Threads, ku foli hapur për përhapjen e përdorimit të drogës në ditët e sotme.
Në postimin e tij, artisti shkroi:
“Para 15 vjetësh i ke njeh n’gishta konsumust e drogës, sot i njeh n’gishta ata që s’e konsumojnë…”
Krahasimi i tij i fortë mes realitetit të dikurshëm dhe atij aktual ka ngjallur reagime të shumta në rrjetet sociale.
Disa ndjekës e kanë përgëzuar reperin për guximin dhe sinqeritetin, duke e cilësuar si një reflektim realist mbi ndryshimet sociale që kanë ndodhur me kalimin e viteve. Të tjerë, megjithatë, e kanë kritikuar për mënyrën e të shprehurit dhe për përgjithësimin që sipas tyre “nuk pasqyron gjithë realitetin”.
Ky nuk është rasti i parë që Majk shpreh publikisht qëndrime mbi çështje sociale, duke përdorur platformat e tij për të hapur diskutime mbi tema që shpesh shmangen nga figurat publike.
Në një kohë kur shumë personazhe të njohura preferojnë të mos prekin tema të ndjeshme, Majk tregon se nuk ka frikë të thotë mendimin e tij hapur. Siç shkruan vetë ai, qëllimi nuk është të gjykohet, por të nxisë reflektim dhe ndërgjegjësim mbi realitetin e sotëm.
