Një veshkë derri e modifikuar gjenetikisht ka mbajtur gjallë dhe pa dializë një 66-vjeçar për plot nëntë muaj, p&...
SHOWBIZ
Rita Ora prek fansat me rrëfimin e jetës: Largimi nga Prishtina, sëmundja e nënës dhe guximi për të ecur përpara
PiranjatPërditësimi i fundit 13 Tetor 2025, 15:31
Këngëtarja me famë botërore me origjinë shqiptare, Rita Ora, ka emocionuar ndjekësit me një rrëfim prekës mbi fëmijërinë dhe fillimet e saj si emigrante në Londër.
Në një postim të ri në Instagram, si pjesë e mini-serisë personale “Episode 3”, Rita ka folur me lot në sy për periudhën më të vështirë të jetës së saj; shpërnguljen nga Prishtina drejt Londrës, vështirësitë e fillimit dhe momentet e dhimbshme që përjetoi familja e saj.
“Episodi 3 është jashtëzakonisht personal për mua. Kur unë dhe familja ime u shpërngulëm nga Prishtina në Londër, isha vetëm një vjeç. Duke parë sot tek Rita e vogël, shoh një vajzë të frikësuar por njëkohësisht të guximshme, që po përpiqej të kuptonte jetën. Tani që jam më e rritur, e kuptoj forcën dhe qëndrueshmërinë që iu desh prindërve të mi për ta bërë atë hap. Guximi që kam sot, është vetëm falë tyre.”
Gjatë videos, Rita shfaqet e prekur teksa tregon për vështirësitë që familja e saj përjetoi në vitet e para si emigrantë në Britani, por edhe për momentin më të dhimbshëm, kur nëna e saj u diagnostikua me kancer në ato kohë.
Këngëtarja kujton se kjo periudhë e vështirë e ka forcuar emocionalisht dhe e ka mësuar të vlerësojë më shumë jetën, familjen dhe guximin.
Postimi është pritur me mijëra reagime nga fansat, të cilët kanë vlerësuar mënyrën e sinqertë me të cilën Rita ndan pjesë kaq të thella të jetës së saj.
